Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Imuntzo eta Beloki, aste honetan Hitzetik Hortzera saioan


2011-03-24 20:53

Araba eta Nafarroako finalerdiak eta Hendaiako saioa aletuko dituzte

Imuntzo eta Beloki trikitilari bikote alaiak zazpigarren diskoa kaleratu berri du: Gezurra ez da egia. Bertsolari ugariren laguntza izan dute disko berri horretako hitzak sortzen, Jon Maiarena, Imanol Lazkanorena eta Sustrai Colinarena behintzat bai. Gainera Lazkao Txikiren aforismo zoragarri hura ?Politikan ez dago gauza politikan? ere kantu bihurtu dute. Disko berriaz, bertsolaritzaz, eta beste hamaika kontutaz arituko dira platoan Jon Artano aurkezlearekin.

Nork egin du gure galde? Aiako Arritan gaude

Zuri-beltzekoa ere Imuntzo eta Belokiri esker osatu dute. Diskoko hamabosgarren kantak Aritxulegi du izena. Izan ere Aiako Arrian Basarrik jarritako bertsoekin osatu dute diskoa burutzen duen abestia. Gerraostean trabajadoreetan ibili zuten Basarri, zigorpean, batetik bestera. Aritxulegi aldean lanean ari zirela jarritako bertso sorta sarritan kantatu zuen gerora plazaz plaza. Uztapide eta bien grabazio bati musika erantsi diote Imuntzok eta Belokik. Eta HHkoek irudiz jantzi dute pieza.

Lujanbio eta Arzallus bibolin doinutan

Hendaiako merkatu zaharrean giro goxoan egin zuten bertso afaria iragan larunbatean. Amets Arzallus eta Maialen Lujanbio nabarm ndu ziren elkarrekin egindako saioetan. Horietako batean herriko bertso eskolakoek aski modu xarmantean eman zieten doinua bertsolariei: Maddi Ane Txoperenak eta Oihana Teysseyrek bibolina jo zieten eta Uxue Larrukertek arpa.

Zestoako gaztetxea eta Itziarko zirkoa

Zestoako Gazte Asanbladak antolatutako Gazteen II. saioko irudiak eta Itziarko Gazte Egunekoak erakutsiko dituzte Jasotakoak atalean. Gaztetxea lur-estali eta zaleek giroa gorituta egin zuten saioa Zestoan. Itziarren zirkoko pertsonaiez mozorrotuta bertso poteo zirtolaria egin zuten bertako bertso eskolakoek. Zappingean 1986ko finala oroituko dute, hogeitabost urte bete baitira asteon Sebastian Lizasok txapela jantzi zuela. Gainera apirilaren 30ean Belfasten izango den BertsoDinnerera joan ahal izateko lehiaketan puntu erantzun mordoska jaso dituzte eta, orain arte jasotakoen arteetik, onentsuenak emango dituzte.

Apirilaren 30ean izango da BertsoDinnera Belfasten. Lehiaketan parte hartzeko bertsodinner@eitb.com helbidera bidali behar dira bideoak. HHk facebooken duen txokoan ere zintzilikatu daitezke edo posta arruntez bidali (BERTSO DINNER LEHIAKETA. Hitzetik  Hortzera. Miramon Pasealekua 172, 20.014 Donostia). Argibideak 943011684 eta 943011685 telefonoetan.

Printzipalari so

Arabako txapela zein sei bertsolarik jokatuko duten erabaki da Aramaio eta Aguraingo finalerdietan. Asier Otamendi nagusitu zen aurrenekoan, Zigor Enbeita bigarrengoan. Saio bien errepasoa egingo dute programan, baita Leitzan jokatutako Nafarroako bigarren finalerdiarena ere. Estitxu Arozenak lortu zuen bertan finalerako txartela.

Igandean, 21:00etan, etb-1en. Eta bezperatik ikusgai eitb.com-en.

src=http://www.eitb.com/multimedia/images/2011/03/24/444667/444667_hitzetik_hortzera_imuntzo_eta_beloki_detalle_1.jpg/



Informazio gehiago:Eitb: Imuntzo eta Beloki, aste honetan Hitzetik Hortzera saioan

304 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin