Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Ika-mika lehendakariaren eta Egibarren artean, Sortu dela eta


2011-03-25 13:27

EAJko bozeramaileak Sorturi buruzko jarrera argitzeko eskatu dio Patxi Lopezi, eta horrek gogorarazi dio ez dutela ezker abertzalea onartu Nafarroa Bai barruan.

EAJk eta Eusko Jaurlaritzak ika-mika izan dute gaur Eusko Legebiltzarrean, Auzitegi Gorenak Sortu legeztatzea errefusatu eta gero.

Joseba Egibar EAJko bozeramaileak Sorturen aurrean duen jarrera argitzeko eskatu dio Patxi Lopez lehendakariari, jokoan oinarrizko eskubideak baitaude, eta horrek gogorarazi dio errefusatu egin zutela Nafarroa Bai koalizioan ezker abertzalea sartzea.

Zergatik ez diozue utzi NaBain egoten? Haiei ere argitasun gehiago eskatu diezue ETAren aurrean. Argitu zuek eta zure alderdia, esan dio Gasteizko Gobernuko buruak.

Bere aldetik, EAJko bozeramaileak erosotasunaren alde egitea leporatu dio, berezko jarrera izan beharrean, epaileen erabakiak onartzea baino ez baita egiten ari.

Egibarrek adierazi du frogatuta dagoela Sortuk ETArekin lotura hautsi nahi duela, eta, horren ildotik, Fiskaltzak eta Estatuko Abokatutzak aurkeztutako argudioak baliorik gabekoak direla nabarmendu du: Zuek, guk eta Legebiltzar osoak jakin badakigu Sortu legeztatu egingo dutela, eta zuek epeak kudeatzen baino ez zaudetela. Argi dago legea betetzen dutela, eta badakigu Konstituzionalak [Gorenaren epaia] konpon dezakeela eta konpondu egingo duela.

Lopezek kritikatu egin du tankera honetako eztabaidak publizitate kanpaina direla Sorturentzat, eta Egibar Eguzki Erregearekin alderatu du, Legebiltzarreko tribunara igo eta epaiak ematen hasten baita. Oinarrizko eskubideak urratu dituztela diozu, non daude urraketa horiek? Zure buruan bakarrik, esan dio.

Lehendakariaren esanetan, buruzagi politikoek eta erakundeek errespetatu egin behar dituzte epaileen epaiak, iritziak iritzi, ezin baita zilegitasuna kendu sistema demokratikoari. Epaia gustuko duzuenean, ondo; baina gustuko ez duzuenean, erabaki politikoa dela diozue, egotzi die jeltzaleei.

Patxi Lopezek aitortu egin du ezker abertzalea inoiz egindako urratsak egiten ari dela, baina gertakizunek erakutsi egin dutela ez direla nahikoak eta irmoak izan hainbat urtez piztutako zalantzak ezabatzeko.

Nolanahi ere, Auzitegi Konstituzionalaren behin betiko epaia hauteskundeak baino lehen etortzea espero duela adierazi du.


Joseba



Informazio gehiago:Eitb: Ika-mika lehendakariaren eta Egibarren artean, Sortu dela eta

120 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin