Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Iberdrola izango da soldata ekoizpenarekin uztartzen aurrena Espainian


2011-04-18 08:26

Lau sindikatuekin aurreakordioa lortu du datozen lau urterako lan-hitzarmenean soldaten igoera enpresaren emaitzen araberakoa izan dadin.

Iberdrola elektrizitate konpainia izango da Espainian lan-hitzarmenetan soldatak ekoizpenarekin uztartzen aurrenekotakoa, hainbat hedabidek gaur zabaldu dutenez. Lau sindikatuekin aurreakordioa lortu du, datozen lau urtetarako lan-hitzarmenean soldaten igoera enpresaren emaitzen araberakoa izan dadin. Aurreakordioa, dena den, oraindik ez dute babestu UGT sindikatu nagusiak eta ELAk.

Hitzartutako ituna azken akordioa maiatzaren bostean sinatuko dute. Ia 9.000 langilerengan izango du eragina lau urteko lan-hitzarmen berri horrek. EAEn 4.000 langilerengan.

Langileen urteko soldata igoera % 1ekoa izango da, baina % 3,5era ere irits daiteke enpresak jartzen dituen helburuak gainditzen badira. Aurreikuspenak betetzen badira, % 1,5eko igoera izango da eta gainditzen badira, berriz, % 3,5era irits daiteke.

Bestalde, lan-hitzarmenean zehaztu dute lan ordutegia, egingo diren lan kontratuak mugagabeak izango direla eta etengabeko heziketa sustatzeko planak ere egongo direla. Iaz 400.000 orduko heziketa jaso zuten langileek. Langileen % 95ak jaso zuen ikastaroren bat iaz.

Seme-alabak zaintzeko aukera hobeak ere izango dituzte langileek.



Informazio gehiago:Eitb: Iberdrola izango da soldata ekoizpenarekin uztartzen aurrena Espainian

78 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin