Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

I+G+Bren eskumena EAErena dela agertuko da Zientzia Lege berrian


2011-03-09 13:41

Lege berriak hitzez hitz jasoko du transferentzia. Nafarroako Foru Hobekuntzaren Legean agertzen diren eskumenak ere aitortuko ditu lege berriak.

EAJren eta PSOEren Kongresuko taldeek akordioa lotu dute jeltzaleek Zientzia, Teknologia eta Berrikuntza Lege berriari babesa emateko, eta orain lege berriak hitzez hitz jasoko du Ikerketa, Garapena eta Berrikuntzaren eskumena Jaurlaritzaren esku dagoela.

Adostutako testuaren arabera, alor horretako eskumenak, Foru Hobekuntzaren Legean agertzen direnak, Nafarroaren esku geratuko dira.

EAJk lege berriari babesa emateko jarri zuen baldintzetako bat da adostutako testua. 271. zuzenketa da, eta horren arabera, legean xedapen gehigarria sartuko dute I+G+B Eusko Jaurlaritzaren eskumena izango dela zehazteko.

Jatorrizko testuan ez zen EAEri eta Nafarroari buruzko aipamenik egiten, nahiz eta 2009ko urtarrilaren 9an dekretua, eskumenaren transferentzia, onartu.

Jose Ramon Beloki EAJren diputatua gustura agertu da akordioa dela eta, oso arau garrantzitsua delako. Belokiren arabera, beharrezkoa da Zientziaren, Teknologiaren eta Berrikuntzaren alorrari bultzada bat ematea.



Informazio gehiago:Eitb: I+G+Bren eskumena EAErena dela agertuko da Zientzia Lege berrian

136 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin