Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Humala ezkertiarra, bigarren itzulian norekin lehiatuko zain


2011-04-11 08:04

Lehen emaitza ofizialen arabera, Pedro Pablo Kuczynski ekonomialaria da bigarren bozkatuena, baina botoen % 43 zenbatuta, Keiko Fujimori puntu eta erdira baino ez dauka.

Ollanta Humala ezkertiarra irabazlea izan da Peruko presidenterako hauteskundeetan, lehen datu ofizialen arabera, baina ez du lortu gehiengo osoa, eta beraz, boto gehien jaso dituen bigarren hautagaiarekin lehiatu beharko da bigarren itzulian.

Oraindik, baina, ez dago argi nor izango den harekin bigarren itzulian. Hauteslekuetan egindako inkestek Keiko Fukimoriri (Alberto Fujimoriren alaba) ematen diote bigarren lekua, baina lehen emaitza ofizialetan Pedro Pablo Kuczynski ekonomialaria da bigarren bozkatuena, oraingoz behintzat. Bien arteko aldea oso estua da.

Botoen % 43 zenbatuta, Humalak % 26,9 lortu ditu, Kuczynskik % 23,5 eta Fujimorik % 21,8. Atzean Alejandro Toledo presidente ohia (% 15,3) eta Luis Castañeda Limako alkate ohia (% 11,5) agertzen dira.

Iñaki Aramayo Radio Euskadiko korrespontsalak azaldu duenez, azken urteetan Latinoamerikan gehien hazi den herrialdea da Peru. 2004tik 2009ra, pobrezia % 14 murriztu da, baina egun herritarren % 34 txiroak dira oraindik.

Hori horrela, hurrengo presidentearen erronka nagusia aurrerapen horiekin jarraitzea eta, batik bat, hazkundea herritar guztiei helaraztea izango da.

19,9 milioi pertsona deituta zeuden bozkatzera igande honetan, presidentea, bi presidenteorde, 130 kongresista eta Parlamentuko 15 kideak hautatzeko. Perun bozkatzea derrigorrezkoa da, eta ez egitea isunekin zigortzen dute.

Ollanta



Informazio gehiago:Eitb: Humala ezkertiarra, bigarren itzulian norekin lehiatuko zain

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin