Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hotzaldia nagusituko da berriro bihartik aurrera


2012-02-06 10:19

Lainoak izango dira nagusi eta zaparradak botako ditu, tarteka. Elur-maila 700 metro inguruan kokatuko da. Ipar mendebalak joko du, nahiko zakar kostaldean eta mendi inguruetan.

Alerta horiak jarraitzen du elurra eta izotzagatik. Eguraldiak gaur tregoa bat emango du, bihartik aurrera sartuko den beste hotzaldia baino lehen, hala ere, ez da pasa berri duguna bezain hotza izango.

Zerua oso estalia egongo da astelehenean eta prezipitazioak nagusituko dira, bereziki mendebaldean. Elur-kota 600-800 metro inguruan kokatuko da ekialdean eta 700-900 metro inguruan mendebaldean. Ipar- mendebaldeko haize ahul-bizia ibiliko da, bolada gogorrekin kostaldean eta mendi inguruetan. Barnealdeko zenbait puntutan izotz txikia egingo du, bereziki mendi inguruetan.

Asteartean zeruak oso hodeitsu jarraituko du. Elur-kota 500-700 metro inguruan kokatuko da eta arratsaldetik aurrera jaitsi egingo da eta egunaren azken orduetan itsas mailara jaitsi daiteke.

Asteazkenean eguraldiak berdintsu jarraituko du. Noizbehinka prezipitazio txikia egingo du, bereziki mendebaldetan eta elur-kota 0 eta 200 metro artean kokatuko da.

Nafarroako iragarpena antzekoa da. Gaur elur-maila pixka bat igoko den arren, 600 metro ingurura, bihartik aurrera berriz ere edozein puntutan elurra egin dezake.

Errepideei dagokienez, Herrerako mendatea soilik dago itxita azken orduetan pilatutako elurrarengatik.

Elurra



Informazio gehiago:Eitb: Hotzaldia nagusituko da berriro bihartik aurrera

84 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin