Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hotza eta elurra astebururako


2012-01-27 10:57

Elurraren maila 700-800 metroan kokatuko da ostiralean eta larunbatean, baina aurreikuspenen arabera, beheraka jarraituko du eta litekeena da igandean 400 metroraino jaistea.

Ostiralean tenperaturak behera egingo du. Euskalmeten iragarpenaren arabera, goizean giro ezegonkorrarekin jarraituko dugunez, zaparradak nonahi botako ditu eta aire hotzaren eraginez, 700-800 m-tik gora botatzen duena elur tankeran izango da. Kantauri isurialdean trumoi-ekaitzak jotzeko eta txingorra egiteko arrisku txikia egongo da.

Gainontzeko orduetan, zaparradak kantauri isurialdera soilik mugatu eta gainera aterrune luzeekin tartekatuko dira. Haizeak ipar-mendebaldetik joko du eta tenperaturak behera egingo du, epelenak 9-10 °C-koak izango dira kostaldean eta 5-6 °C-koak barnealdean.

Larunbatean giro ezegonkorrak eta hotzak jarraipena izango du. Tenperaturan ez dugu gorabehera handirik espero; hotzenak apur bat jaitsi daitezke, goizaldean ostarteak zabalduko baitira, beraz barnealdean izotza egin dezake eta behe-lainoa ohiko puntutan sortuko da. Hodeitza aldakorra izango dugu, ostarteak zabalduko diren arren, itsasaldetik lainotzarrak sartu eta zaparradak botako ditu, aukera handiagorekin ipar partean eta egunaren bigarren zatian.

Elur-kota 700-800 m-ren bueltan egongo da baina egunaren amaieran 500-600 m inguruan zuritu dezake. Kantauri isurialdean zaparrada trumoitsuak botatzeko eta kazkabarra egiteko aukera ezin dugu baztertu.

Igandean are gehiago hoztuko duenez, elurraren mailak behera egingo du. Eguna lainopean igaroko dugu eta edozein momentutan euria egin dezake, bereziki ipar partean. Elur-kota apur bat gehiago jaitsi eta 400-500 m-ren bueltan zurituko du. Goi-geruzetan ezegonkortasunarekin jarraituko dugunez, kantauri isurialdean, ekaitz-guneetan txingorra bota dezake. Haizeak iparraldetik joko du eta hotz kontuekin jarraituko dugu. Izotza egingo du, bereziki mendi inguruetan.



Elurraren



Informazio gehiago:Eitb: Hotza eta elurra astebururako

69 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin