Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hondarribiko emakumea kartutxo baten takoaren kolpeagatik hil zen


2011-09-12 10:17

Autopsiaren arabera kolpe horrek eragin zuen Mari Karmen Gonzalezen heriotza. Tiroa alardean parte hartzen ari zen batek bota zuen.

Kartutxo baten takoak buruan jo zion Mari Karmen Gonzalezi bere etxeko balkoitik alardea ikusten ari zela. Ertzaintzak lesio delitu larria egotzi dio tiro egin zuen pertsonari eta dagoeneko identifikatuta dago.

Ertzaintzak haren balkoian aurkitutako kartutxoaren takoak emandako kolpeagatik hil zen Hondarribiko bizilaguna, autopsiak argitu duenez.

Horrela heriotzaren beste kausa batzuk baztertu dira, bihotzekoak emanda edota konortea galtzerakoan lurraren kontra hartutako kolpearen eraginez hil izana, esate baterako. Bolbora zauririk ere ez zuen.

Ostegun arratsaldeko sei eta erdietan gertatu zen ezbeharra. Mari Karmen Gonzalez bere etxeko balkoian, Bernart Etxepare kaleko lehen solairuan zegoen alardea ikusten parte hartzaileetako batek airera tiro egin zuenean. Tiro horren kartutxoaren takoak eman zion buruan.

Alardean debekatuta dago herriko zenbait tokitan izan ezik tiro egitea, eta ezbeharra nola gertatu zen argitzeko ikerketa abiatuko du Alarde Fundazioak.

Bestalde, burutapenak ez egiteko eskatu dute hildakoaren senitartekoek eskutitz batean eta Ertzaintzaren ikerketen esku uzten dituzte gertaeraren xehetasunak. Eskutitz horretan gainera, jazoera herriko festekin zerikusia duten polemikekin ez erabiltzeko eskatu dute.

Heriotzaren berri izan pronto, Hondarribiko Udalak su artifizialak bertan behera utzi zituen, udaletxeko banderak kendu zituen eta pilota jaialdia baino lehen, minutu bateko isilunea egin zuten.

Hondarribiako



Informazio gehiago:Eitb: Hondarribiko emakumea kartutxo baten takoaren kolpeagatik hil zen

248 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin