Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hiru milioi euroko kalte-ordaina eskatzen dute ginekologo baten kontra


2011-06-07 08:53

Mediku akats batengatik inoiz jarri den salaketa handienaren epaiketa hasiko da gaur. Salatzaileen arabera, ginekologoak garuneko paralisia eragin zion zazpi urteko haurrari.

Gaur hasiko da Bilbon haur bati garuneko paralisia eragin ziolakoan guraso batzuek ginekologo bati, aseguru-etxeari eta ospitale pribatuari jarri zioten salaketa aztertzeko epaiketa. Mediku akats batengatik inoiz jarri den salaketa handiena da, izan ere, hiru milioi euroko kalte-ordaina eskatzen dute.

Epaitegiko iturriek jakitera eman dutenez, haurra ospitalean jaio zenean ginekologoak akats bat egin zuen eta horren ondorioz du garuneko paralisia.

Salaketa zibila da, kalte-ordaina eskatzen duena, ez da zigor kereila bat, beraz, Fiskaltzak ez du akusaziorik idatzi. Epaitegiak debekatu egin du bertan bideo edo argazki kamerak sartzea adin txikikoaren intimitate eskubidea gordetzeko. Hori horrela, prentsa idatziak soilik jaso ahal izango du auzi-saioan gertatzen dena.

Epaileak azaldu duenez, jaiotzaren, gaixotasunaren, egungo osasun egoeraren eta haurrak dituen mugen inguruan eztabaidatuko dute.



Informazio gehiago:Eitb: Hiru milioi euroko kalte-ordaina eskatzen dute ginekologo baten kontra

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin