Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hiru lagun arin toxikatu dira Sartagudan izandako sute batean


2012-02-21 13:24

Sutea egur-berogailu batek eragin du, Nafarroako Gobernuak esan duenez.

Hiru pertsona arin zauritu dira gaur goizaldean Sartagudan (Nafarroa), etxebizitza batean sortu den sutean karbono monoxidoa arnastuta. Zaurituen artean 3 urteko haur bat dago. Adingabea eta harekin zeuden 24 urteko emakumea eta 22 urteko gizona konortea galdu gabe zeuden larrialdi zerbitzuak heldu direnean, eta Lizarrako Garcia de Orcoyen Ospitalera eraman dituzte berehala.

Nafarroako Gobernuak jakitera eman duenez, egur-berogailu baten errekuntza txarrak eragin du sutea. Auzokide batek eman du sutearen berri 05:33an, larrialdi zerbitzuetara egin duen dei baten bidez, eta bertatik berehala bidali dituzte Lodosako medikua, osasun laguntzaile teknikoa, anbulantzia, Lodosako suhiltzaileak eta Foruzaingoaren patruila bi.

Bertan, suhiltzaileek eraikina aireztatu dute eta goiko pisuko karbono monoxidoaren maila neurtu dute. Gasaren presentziarik antzeman ez duten arren, bizilagun bi ebakuatu dituzte, prebentzio modura. Bi etxebizitzak hustu egin dituzte, eta suhiltzaileak datozen orduetan itzuliko dira karbono monoxidoaren maila berriro neurtzera.



Informazio gehiago:Eitb: Hiru lagun arin toxikatu dira Sartagudan izandako sute batean

125 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin