Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hiru egun eman dizkiete Gadafiren alde dauden hiriei amore emateko


2011-08-30 14:42

Matxinoek Aljerian dauden Gadafiren senideak bueltatzea espero dutela esan dute, bidezko epaiketa bat izan dezaten; NATOk koronelaren soldaduek atxilotutako zenbait lagunen norakoari beldur dio.

Matxinoek hiru egun eman dizkiete Gadafiren alde dauden hiriei amore emateko; Trantsiziorako Kontseilu Nazionalak esan duenez, larunbatean, irailaren 3an, amore ematen dutela esana ez badute, indar militarra erabiliko du. Ultimatuma jaso dutenen hirien artean Sirte dago, Gadafiren jaioterria.

Bitartean, matxinoen gobernuak esan du Aljerian dauden Gadafiren senideak -emaztea eta bi seme- bueltatzea espero duela, bidezko epaiketa bat izan dezaten. Kontseiluak ez du ulertzen zergatik babestu dituzten senide horiek Aljerian. Atsegin ez dugun albistea da -esan dute-. Pertsona horiek bueltatzea gustatuko litzaiguke. Erreboltarien ustez, Aljeriak Gadafiren senideei babesa ematea ez doa bat auzotarren arteko erlazio onekin; izan ere, trantsiziozko gobernuak akotan esan du diktadoreak eta bere familiak Libain egoten jarraitu behar dutela, epaitu ahal izateko.

NATOk, halaber, Gadafiren indarrek atxilotutako milaka lagun desagertuta daudela salatu du; hobi komunak aurkitu dituzte, azken egunetan, eta, ondorioz, pertsona horien norakoari beldur dio. Rupert Colville Giza Eskubideetarako Nazio Batuen Goi-Mandatariak eskatu dio aurreko erregimenaren edozein kideri atxilotu horiek nin zituzten esateko, bizitza gehiago ez galtzeko. Colvillek ez du zehaztu zenbat lagun dauden desagertuta -matxinoek 50.000 daudela esan dute-, baina, aipatu duenez, zenbakia altua izango litzateke.




Informazio gehiago:Eitb: Hiru egun eman dizkiete Gadafiren alde dauden hiriei amore emateko

50 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin