Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hiri trinkoagoen alde egin du lehendakariak


2011-03-30 13:27

Patxi Lopez hirigintza jasangarriari buruzko nazioarteko topaketa batean izan da, Gasteizen.

Patxi Lopez lehendakariak hirigintza jasangarriari buruzko nazioarteko topaketa bat inauguratu du Gasteizen, eta bertan, hiri trinkoagoen alde egin du, etorkizunerako eredu gisa.

Topaketa honekin, antolatzaileek ideiak bildu nahi dituzte bigarren belaunaldiko hirigintza planek jasangarritasuna helburu izan dezaten, eta oinarriak parte-hartzea, berrikuntza kulturala eta promozio ekonomikoa izan daitezen.

Inaugurazio ekitaldian, lehendakariak adierazi du hirigintza garapenak zentzuzkoagoa eta iraunkorragoa izan behar duela, eta hiriek trinkoagoak izan behar dutela, hau da, etxebizitzen, lantokien eta zerbitzuen arteko distantziak txikiagoak izan beharko liratekeela.

Halaber, eraikinak eta lurzoruak zaharberritzearen garrantzia azpimarratu du, eraikuntza berrien edo hedapenaren alternatiba gisa, energia eta ura aurrezteko helburuz.

Bere aldetik, Xabier Agirre Arabako ahaldun nagusiak gaineratu du XXI. mendeko hirien hazkundeak oinarri hauek izan behar dituela: oparotasuna, garapen iraunkorra eta bizimodu-kalitatea, baina betiere energia kontsumoaren menpe egon gabe.



Informazio gehiago:Eitb: Hiri trinkoagoen alde egin du lehendakariak

107 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin