Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hipoteka kentzeko etxea itzultzea aski izateko ekimena, Kongresuan


2011-03-30 09:24

Zortzi erakunde kataluniarrek bultzatutako herri-ekimen legegileak legea aldatzea du helburu, hipoteka ordaintzeko gai ez den familia batek etxea itzulita zorra kitatu ahal izateko.

Etxebizitza itzultzea hipotekaren zorra kitatzeko nahikoa izateko Kataluniako zortzi erakundek sustatutako herri-ekimen legegilea Diputatuen Kongresura iritsiko da gaur.

Josep Maria Alvarez eta Joan Carles Gallego Kataluniako UGTren eta CCOOren idazkari nagusiek eramango dute ekimena Kongresura.

Legea aldatu nahi dute bere garaian borondate onarekin banketxearekin hipoteka bat sinatu zutenek orain krisiaren ondorioz ordaindu ezinik geratu badira etxebizitza itzulita zorra kitatzeko aukera izan dezaten.

Proposamenaren arabera, interesak eta bestelako kostuak ere ordainduta geratuko lirateke etxea bueltatuta.

Egungo araudiak agintzen duenez, banketxeak etxebizitzaren tasazio balioaren erdia soilik ordaintzen du eta familiak ordaintzeke geratzen den zorraren zatia ordaindu behar du, interesak eta prozesu judizialaren kostuak barne.

Araudi horrekin, familiek etxebizitza galtzeaz gain, zorpetuta jarraitzen dute, herri-ekimenaren bultzatzaileen esanetan.

Herri-ekimen legegilea sustatzen eta 500.000 sinadura jasotzeko lanetan aritu diren erakundeak honakoak izan dira: Banketxe, Kutxa eta Aseguru-etxe Erabiltzaileen Elkartea, CCOO, CONFAVC, DESC Behatokia, Hipotekak Kaltetuen Plataforma, Hirugarren Sektore Sozialeko Erakundeen Mahaia, Kataluniako Kontsumitzaileen Batasuna eta UGT.



Informazio gehiago:Eitb: Hipoteka kentzeko etxea itzultzea aski izateko ekimena, Kongresuan

148 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin