Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hipercorreko biktima bat: ?Gutunean ez dit barkamenik eskatzen?


2011-10-31 16:38

EITB Roberto Manriquerekin egon da, Hipercorreko atentatuko biktimetako batekin. Lehergailua jarri zuen ETAko kideetako baten eskutitza jaso zuen eragindako mina onartuz.

1987ko ekainaren 19an Roberto Manrique Hipercorren ari zen lanean. Harakina zen eta harategiaren azpian egin zuen eztada ETAren bonba kotxeak.

Burua, aurpegia, eta eskuak erre zitzaizkion eta gibeleko zauri larriak izan zituen; ezin izan zuen harakin bezala lan egin berriro.

EITBk berekin hitz egin du eta Lokarriren bidez Hiperkorreko lehergailua jarri zuen ETAko kidearen eskutitza maiatzean jaso zuela kontatu digu.

Bertan, Caridesek dio onartzen duela eragindako mina eta sufrimendua.

Eskutitza jasotakoan, Manriquek sentimendu kontrajarriak izan zituela esan digu. ?Duela urtebete pentsaezina zen horrelako eskutitza, eta hori garrantzitsua da, baina zerbait gehiago espero dut?.

?Eskutitza oso ongi dago, eragindako mina onartzen duelako, eta hori pauso handia da. Baina hitz klabea falta da, barkamena?, adierazi du.

Caride Simoni barkatuko liokeen galdetuta, Manriquek argi du: ?Beti berdina esan dut lehen unetik, ospitalean bertan lehen elkarrizketa egin zidatenetik. Barkatuko al zenieke? Eska dezatela. 24 urte igaro dira eta orain eskatzea falta da. Horrela eginez gero pentstazen dugunarekin kontsekuente izango gara, baina pausoa orain beraiek eman behar dute?.

Roberto barkamenaren eskutitzaren zain dago baina baikor da ireki den prozesuarekin.

Rafael Carideren eskutitza Roberto Manriqueri

Rafael Caride Simon Hipercorreko atentatuan (21 pertsona hil ziren) parte hartzeagatik zigortutako ETAko kide ohiak gutun bat igorri dio haren biktimetako bati, Roberto Manrique Kataluniako Biktimen Elkarteko presidente ohiari, hain zuzen ere.

Gutun horretan, Caride Simonek esan du aitortu egiten duela ETAko kide izanda egindako ekintzek sortutako mina eta sufrimendua. Ez naiz bihozgabea min horren aurrean, eta horregatik konpromiso zintzoa agertu nahi dut zauri horiek ixten laguntzeko eta zuek sufritu duzuena inork ez sufritzeko, gaineratu du.

Gutuna 2011 urtarrilaren 27an sinatuta dago, eta Lokarri plataformaren bidez igorri zuen. Paul Rios Lokarriko koordinatzailearekin hitz egin eta gero, Manriquek onartu egin zuen gutuna jasotzea.

Kataluniako Biktimen Elkarteko presidente ohiak deitoratu egin du Caride Simonek barkamena ez eskatzea, eta hala jakinarazi dio erantzun gutun batean.

Beste gutun batean barkamena eskatuko balu, Manrique prest agertuko litzateke harekin espetxean biltzeko, Eusko Jaurlaritzak proposatu dion bezala. Bilera hori egiteak, baina, ez dio onurarik ekarriko presoari.



Informazio gehiago:Eitb: Hipercorreko biktima bat: ?Gutunean ez dit barkamenik eskatzen?

41 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin