Borroka antiterroristan ez dela Pirinio gehiagorik izango esan du Nicolas Sarkozyk, erregeak Urrezko Ardi Larruaren ordenaren intsignia eman dion ekitaldian.
ETAko heriotzen arduradunak, bai Espainan, baita Frantzian ere, kontuak eman behar dituztela defendatu du Nicolas Sarkozy Frantziako presidenteak. Bi herrialdeen arteko borroka antoterroristan ez dela Pirinio gehiagorik izango gaineratu du.
Beti izango duzue Frantzia lagun ETAren terrorismoarekin amaitzeko, esan du Sarkozyk Espainiako erregeak Urrezko Ardi Larruaren ordenaren intsignia eman dion ekitaldian, Espainiako koroak ematen duen kondekoraziorik handiena.
Gaur bezalako egunetan bere pentsamendua ETAren indarkeriaren biktimekin dagoela adierazi du, senarrak, aitak eta semeak galdu dituztenekin.
Erregeak laguntza politikoa, judiziala eta poliziala eskertu dio Sarkozyri indarkeria terroristarekin amaitzeko eta erregeren jauregian eman dio domina Frantziako presidenteari.
Bere hitzetan, bi herrialdeen arteko harremanak historiako unerik onenetakoan daude. Espainiaren lagun onak zaretelako dela goraipatu du erregeak. Gainera, Sarkozyk egoerak eskatzen duen maila eta ekintzarako ahalmena duela gailendu du.
