Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Herritarren % 41k uste dute Amaiurrek hauteskundeak irabazi zituela


2011-11-30 13:42

Hamarretik zortzik erantzun dute hauteskunde kanpainak gutxi edo batere ez diela lagundu alderdien arteko ezberdintasunak ikusten edo hautagaiak hobeto ezagutzeko.

Euskal Autonomia Erkidegoko herritarren gehiengoak (% 54) positiboki baloratu ditu iragan azaroko hauteskundeen emaitzak. % 21ek balorazio negatiboa egin dute, Jaurlaritzak egindako inkestaren arabera. Horrez gain, elkarrizketatutako lau pertsonatatik batek (% 24) ez du baloraziorik egin nahi izan.

Bestalde, herritarren % 29k bakarrik dakite EAJk boto gehien lortu dituen alderdia izan dela. % 41ek erantzun du boto gehien lortu duen alderdia Amaiur izan dela.

Hauteskundeen inguruan Eusko Jaurlaritzaren Prospekzio Soziologikoen sailak inkesta bat egin zuen hilaren 21 eta 22an. 1.000 herritarrek erantzun zuten, eta % 97k, emandako botoarekin pozik daudela esan zuten.

Elkarrizketatutako pertsonen % 43k adierazi dute hauteskunde hauen gaineko interes handia edo nahikoa izan dutela. % 36k, berriz, interes gutxi edo nolabaiteko interesa izan dutela nabarmendu dute. % 21ek ez dute batere interesik izan.

Hamarretik zortzik erantzun dute hauteskunde kanpainak gutxi edo batere ez diela lagundu alderdien arteko ezberdintasunak ikusten edo hautagaiak hobeto ezagutzeko.

Bestalde, % 71k esan dute alderdi edo koalizio bat bozkatzea aurretik erabakia zutela. % 15ek zalantzak izan zituzten aukera ezberdinen artean. Bi alderdi edo koalizioren artean zalantza egin zutenen artean, %19k EAJ eta Amaiurren artean zalantza izan zuten eta %14k PSE-EE eta PPren artean.

Azaroan 20an % 69ko parte hartzea izan zen Euskal Autonomia Erkidegoan, baina herritarren % 86k adierazi dute botoa ematera joan zirela (beraz, abstentzioa ezkutatu dute % 17k).

Horrez gain, PP eta Amaiur bozkatu dutenak dira botoa gehien ezkutatu dutenak (PPren kasuan % 5,2 eta Amaiurrenean, % 3,5).

Madrilgo



Informazio gehiago:Eitb: Herritarren % 41k uste dute Amaiurrek hauteskundeak irabazi zituela

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin