Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Herri Urrats 2011ko zirkuitoa, euskaltzalez lepo


2011-05-08 14:58

Bildutako dirua Kanboko Salvador ikastola berritu eta handitzeko lanak ordaintzeko erabiliko dute.

Milaka euskaltzale bildu ditu Herri Urrats 2011k eguraldi ona eta jai giroak lagunduta. Senpere aintziraren inguruko zirkuitoa jendez lepo dago, Iparraldetik eta Hegoaldetik etorritakoak. Hain zuzen, antolatzaileek Hegoaldetik bertaratutako pertsonen kopurua nabarmen igo dela azpimarratu nahi izan dute.

Gauzak oso ondo doaz, jende asko dago. Edizio honek aurrekoekin diferentziak markatuko ditu, adierazi du Hur Gorostiaga Seaskako presidenteak.

Frantziako Administrazioak iragarritako laguntza murrizketen aurrean, Seaskak irakasle gehiago eskatu ditu Iparraldeko ikastolek duten ikasle kopuru gero eta handiagoari aurre egiteko.

Zirkuito osoan ikus daitezkeen ekitaldi ugarien artean, Berri Txarrak taldeak 16:30ean emango duen kontzertua dago.


Herri Urrats, 28 urte
Herri Urrats duela 28 urte jaio zen eta urteak igaro ahala arrakasta areagotzen joan da. Azken urteetan 70.000 pertsona inguru biltzea lortu du euskara eta Seaska ikastolen federazioaren alde.

Azken urte hauetan baina, Hegoaldeko euskaltzale gutxiago joan da festa honetara eta hori nabaritu egin da, bai bildutako diruari baita sortutako giroari begira ere. Aurten, beraz, denon parte-hartzea eta indarra behar eskatu dute Iparraldeko ikastolen aldeko festa garai batean bezain arrakastatsua bihur dadin. Euskaldun guztiek euskararen eta ikastolen alde bat egiteko deia egin dute.

Eguraldi



Informazio gehiago:Eitb: Herri Urrats 2011ko zirkuitoa, euskaltzalez lepo

64 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin