Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Heriotza zigorra ezarri diote Txinako alkate ohi bati, eroskeriagatik


2011-05-09 15:47

Edozein kasutan, Xu Zonghen Txina hegoaldeko Shenzhen herriko alkate ohiaren zigorra bi urtez atzeratuko dute kondenatuak krimenak aitortu dituelako.

Txina hegoaldeko Shenzhen herriko alkate ohi bati heriotza zigorra ezarri diote gaur eroskeriagatik, estatuko hainbat komunikabidek esan dutenez. Edonola ere, kondena hori ez diote ezarriko hemendik bi urtera arte akusatuak krimenak aitortu baititu.

Xu Zonghen, 56 urteko auto mekaniko ohia, 2005etik izan zen Shenzhen herriko alkate eta 2009an atxilotu egin zuten Guangdong eskualdean ustelkeriaren aurka egin zuten operazio zabal batean.

Henan probintziako auzitegi batek gaur errudun deklaratu du Xu, 33,2 milioi Yuan (3,5 milioi euro) legez kanpo bereganatzeagatik; 2001 eta 2009 urteen artean eraikuntzarako materialen enpresa bati eta maila baxuagoan zeuden hainbat arduradun politikori eroskeria delituak egitea da beregan dagoen akusazioa.

Auzitegiaren ebazpenak esan du Xuk boterearen abusua egin zuela. Antza, onurak izan zituen elkarteei eta norbanakoei lurralde garapenerako proiektuak aldatzen lagunduz; trukean, eraikuntzarako eta bere promoziorako kontratuak irabazi zituen, informazio agentziak kaleratutako oharraren arabera.

Xuren aurkako heriotza zigorra bi urtez atzeratuko dute, kondenatuak bere krimenak aitortu dituelako. Txinan gainera, heriotza zigorra bi urtez bertan behera uzten badute, heriotza zigorra kendu eta bizi arteko kartzela ezartzen diete.




Informazio gehiago:Eitb: Heriotza zigorra ezarri diote Txinako alkate ohi bati, eroskeriagatik

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin