Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hemen da Korrika 17!


2011-04-07 17:00

Hasi da Trebiñuko enparantzan eta 17an amaituko da Donostian. Maitatu, ikasi, ari... euskala-kari da aurtengo leloa eta 2.500 kilometro eta 400 herri zeharkatuko ditu.

Hemen da 17. Korrika. Trebiñuko enparantzatik abiatu da euskaltzaleen lasterketa eta apirilaren 17an amaituko da Donostian. ?Maitatu, ikasi, ari... euskala-kari? lelopean, hamar egunez 2.500 kilometro eta 400 herri zeharkatuko ditu Korrikak. Lekukoa eskutan Trebiñuko Gutxisolo euskara elkarteak egingo du lehen kilometroa.

Hasiera, lekukoa eskutan hartuta, 17:30ean izan da, aurrez Trebiñuko plazan dantza, bertso eta txalaparta doinuak izan dira. Araban abiatu eta bertan emango du eguna Korrikak, gaueko 11:00ak aldera Nafarroara pasatuko da euskararen aldeko lasterketa. Gainera, Euskal Telebistak jarraipen zabala eta etengabea prestatu du aurtengo Korrika gertutik eta xehetasunez jarraitu asmoz.

ETB-3 eta eitb.com-en

ETB-3ko kamera batek lasterketa osoa filmatuko du, apirilak 7an Trebiñun hasi eta hilaren 17an Donostian amaitu arte. Euskal Telebistako hirugarren kateak egunero Korrika TB saioa eskainiko du 22:00etatik aurrerra, asteazken honetan hasita, Korrikaren eguneko kontakizuna eginez. Lasterketaren inguruko erreportaje bereziak eskainiko dira eta Korrikarekin harreman berezia duten pertsonekin hitz egingo dute. Bestalde, Ana Castro, Korrikako prentsa arduraduna, aurtengo edizioaren videoblog-aren protagonista izango da, bere ikuspuntu eta bizipenetatik abiatuz, korrikaren gaineko narrazio emozionala egingo du.

Alabaina, Korrika TB saioa ez da telebistara bakarrik mugatuko. eitb.com-ek Korrikaren 17.edizio honetarako prestatu duen webgune berezian telebista saioko bideo guztiak izango dira ikusgai. Horrez gain, webgunean Korrikaren historia, aurreneko edizioetako irudiak, euskalaklipak eta aurtengo korrikaren bideoklipa (Gose taldeak egina) daude eskura.

ETB-3k, Hamaika Telbista eta Tokiko Telebistekin elkarlanean burutuko du Korrikaren gaineko eguneko jarraipena, denen artean edukiak partekatuz.

Albistegiak

Trebiñun hasi eta Donostian amaituko den Korrikaren inguruko berriak bilduko dituzte Gaur Egun eta Teleberri albistegiek ere hilaren 7tik aurrera. Euskararen aldeko lasterketaren hasiera eta amaiera ekitaldiak jarraituko dituzte, baita han-hemenka antolatuko diren kultur ekimenak ere. Ibilbideko pasarte nagusienen berri ere emango dute, batik bat hiriburuetara iristen direnean.

Euskadi Irratia, Gaztea eta Radio Euskadi

Euskadi Irratiari dagokionez, Mezularia saioak Trebiñutik zuzenean eskainiko du Korrikaren hasiera apirilak 7an. Lasterketa hasi eta bost minutu lehenago bat egingo du irratiak Korrikarekin eta lehenengo kilometroen berri emango dute zuzenean. Korrika hasi aurretik, goizean Edurne Brouard Korrikaren arduraduna elkarrizketatuko dute Albiste Faktorian eta lasterketa hasi aurreko saio ezberdinetan Korrikaren aurrekariez arituko dira.

Hurrengo egunetan, albistegietan eta programetan konexio zuzenak egingo dira egunero lasterketarekin eta horretarako Euskadi Irratiak hiru berriemale izango ditu Korrikan zuzenean. Goiz Kronika albistegiak egunero egingo ditu zuzeneko konexioak eta programak, b

Informazio gehiago:Eitb: Hemen da Korrika 17!

167 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin