Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hauteskunde gauaren jarraipen zabala eitb.com-en


2011-05-21 10:32

Lantalde berezia ariko da lanean informazioa zuzenean eskaintzeko. Aurten gainera, sare sozialen bitartez, jendeari partehartzeko aukera emango zaio.

Udal eta Foru Hauteskundeen gauaren gaineko jarraipen berezia egingo du eitb.com atariak. Hauteskunde kanpaina dela eta martxan jarritako web orri berezian azken bideoak eta albisteak etengabe berriztatuko dira. Hautagaien gaineko informazio berezia egongo da eta emaitzak ere jakin ahala ikusgai egongo dira. Gainera, aurreko urteetako emaitzak ere kontsultatu ahal izango dira. Hauteskunde gauean informazio guztia zabaltzeko lantalde berezia arituko da lanean.

Era berean, sare sozialetan, Facebooken eta Twiterren, presentzia berezia izango du eitb.com-ek. Jendeari parte hartzeko kanalak eta bideak ireki egingo zaizkio eta beraz, iritzia emateko aukera ere izango du nahi duenak.


Telebistan eta irratian

ETBn 200 lagunetik gora arituko dira lanean informazioa ahal den egokien eta azkarren eskaintzeko. Bost orduz zuzenean arituko dira ETB 1-eko saioan Vanessa Sanchez, Ander Arzak eta Xabier Usabiaga. ETB 2-ko programa, berriz, Estibaliz Ruiz de Azuak, Africa Baetak eta Asier Odriozolak gidatuko dute. Era berean, euskarazko nahiz gaztelerazko programetan hainbat aditu egongo dira eta baita alderdietako ordezkariak ere, emaitzak jakin ahala balorazioak egiteko. Estudioetatik kanpo, berriz, zortzi unitate ibiltari egongo dira kazetariekin, albisteak dauden leku guztietan. Albistegi berezi bat zein bestea eitb.com-en ikusgai egongo dira.

Irratiek ere hauteskunde gaua zuzen-zuzenean jarraituko dute. Emaitzak berehala eskaintzeaz gain, hausnarketa bilduko dute irratsaio berezietan. Euskadi Irratian, 19:45etik 23:30era 30 lagunez osatutako lantaldea ariko da lanean Pilar Goya gidari dutela.Radio Euskadin, berriz, Dani Alvarezek eta Xabier Garcia Ramsdenek zuzenduko dute 20:00etatik 00:00etarako saioa.


Sakeleko telefonoetan

Aurtengo berrikuntza nagusia izango da sakeleko telefono zein bestelako tresna eramangarrietan ere jarraitzerik izango direla hauteskundeetako emaitzak. Horretarako, eitb.com-era sartu eta edozein telefono edo tabletetatik jaso ahal izango dira albisteak eta emaitzak. Horrekin batera, Android sistema duten tresnek ere aplikazioa doan jaitsi ahal izango dute Android Market-etik.




Informazio gehiago:Eitb: Hauteskunde gauaren jarraipen zabala eitb.com-en

70 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin