Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Haur lapurtuen senideek lehendakariaren babesa eskertu dute


2012-02-16 16:08

SOS Haur Lapurtuen elkarteko eta Losa-Ocariz familiako ordezkaritza batek beren arazoak eta eskariak helarazi dizkiote Patxi Lopezi.

Patxi Lopez lehendakaria eta Idoia Mendia Justizia sailburua SOS Haur Lapurtuak elkartearekin bildu dira gaur Eusko Legebiltzarrean. Hain justu, Frankismo garaian Haur lapurtuen auzia ikertzeko batzorde berezi bat sortzea onartu du gaur Gasteizko Ganberak.

Bileraren ondoren, Cecilia Losa Frankismo garaian lapurtutako ume baten senideak esan du adi egongo direla Jaurlaritzak eta alderdiek adostutako konpromisoak betetzen dituztela ziurtatzeko: ezin dugu utzi ikerketak bertan behera gelditzea eta Ertzaintzak azken muturrera heltzeko bitartekorik ez izatea.

Flor Diaz SOS Haur Lapurtuak elkarteko presidenteak lehendakariaren babesa eskertu du, baita Justizia, Osasun eta Barne sailburuek adostutako elkarlana. Haur lapurtuen auzia ikertzeko Batzordea sortzea txalotu du Diazek eta orain arte afera horretan familiek sentitu duten bakardadea ekarri du gogora. Kasu hauek guztiak isilpean gordetzeko ote ziren beldur ziren familiak, esan du. Hori dela eta, Legebiltzarrak bultzatutako ekimenaren ondorioz lasaiago sentitzen direla adierazi du.

Bilera argigarria

Bilera argigarria izan dela esan du Idoia Mendia Justizia sailburuak. Haur lapurtuek elkarteak babes ekonomikoa eta batzartzeko tokiak eskatu dizkio Jaurlaritzari, baina Mendiak esan du Jaurlaritzak ezin duela halakorik eskaini. Hala ere, aurreratu du Irungo udaletxea eta Gipuzkoako Aldundia harremanetan daudela toki bat luzatzeko eta, Gasteizen ere, lehendakariak hala eskatuta, batzartzeko toki bat emateko eskatuko diola Basagoitik Javier Maroto alkateari.

Haur



Informazio gehiago:Eitb: Haur lapurtuen senideek lehendakariaren babesa eskertu dute

98 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin