Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hasi da Bon Joviren Donostiako kontzerturako atzera kontaketa


2011-07-28 11:09

Bartzelonako Estadio Olinpikoan jo zuen New Jerseyko musikariak asteazkenean eta ostiralean Anoetako harmailak dantzan jarriko ditu.

Bartzelonako Montjuic zelaia ia kolkoraino bete zuen asteazkenean Bon Jovik. Ia hiru orduko kontzertua eskaini zuen eta denbora horretan 25 abesti jo zituen, tartean klasiko bihurtu diren You give love a bad name, Born to be my baby eta Its my life abestiak, besteak beste. Energia gehien duten abestiak kontzertuaren hasieran jo zituen talde estatubatuarrak, baladak emanaldiaren erdialdean eta beste zenbait abesti ezagun amaierarako utzi zituen erritmo handiz amaitzeko. Livin on a Prayer abestia a capella abesten hasi zen eta, amaiera zela bazirudien ere, Alwayseta I love this town kantuekin esan zioten estatubatuarrek agur Bartzelonako publikoari.

Bon Jovik Bartzelonan asteazkenean eskaini zuen kontzertuaren ondoren, Donostia da New Jerseyko bandaren hurrengo geltokia. Donostiako kontzerturako atzera kontaketa hasi da, beraz. Dagoeneko 35.000 sarrera baino gehiago saldu dira. Hala ere, sarrerak salgai daude oraindik, Doctormusic eta Ticketmaster atarietan eta Servicaixan. Sarrera merkeenak 20 euro balio ditu eta garestienak, 275 euro.

Anoetako ateak 18:00etan irekiko dira. The Rebels eta El Rulo y la Contrabanda taldeek joko dute estatubatuarraren aurretik. Jaiari hasiera The Rebels rock taldeak emango dio. Bandaren soinua primitiboa eta sutsua da eta gogoratzeko errazak diren doinuak eta letrak ditu. Ondoren, Rulo y la Contrabanda taldeak Señales de Humo diskoa aurkeztuko du Donostian. Hala, 21:45ean hasiko da New Jerseyko taldearen zuzenekoa.

Orotara, 65 kamioi heldu dira Donostiara eszenatokia, argi, bideo eta soinu ekipoak garraiatzeko. Muntaia ikaragarria da: 27 metro eta 150 toneladako agertokia, 750.000 pixeletako pantaila erraldoia eta 800.000 watio, besteak beste. Material hori guztia beharrezkoa da Bon Jovi zuzenean ikusi ahal izateko.

Open Air biraren baitan Europan eskainiko dituen kontzertuekin amaitzeko bi hitzaldi gelditzen zaizkio Bon Joviri. Ostiraleko kontzertuaren ondotik, Lisboan izango da talde estatubatuarra igandean.

Bon



Informazio gehiago:Eitb: Hasi da Bon Joviren Donostiako kontzerturako atzera kontaketa

82 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin