Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hasi da Bateragune auziko epaiketaren bigarren saioa


2011-06-28 10:44

Atzo deklaratu ez zuten bi auzipetuek (Jose Manuel Serra eta Miren Zabaleta) hitz egingo dute gaur. Hainbat lekukok ere deklaratuko dute, tartean Rufi Etxeberriak.

Auzitegi Nazionalak hasiera eman dio gaur goizean Bateragune auziko epaiketaren bigarren saioari.

Gaurko saioan, atzo deklaratu ez zuten bi auzipetuek deklaratuko dute, hau da, Jose Manuel Serrak eta Miren Zabaletak.

Rufi Etxeberriak eta Oizek lekuko gisa deklaratzea ere aurrez ikusita dago. Auzipetuak atzeman zituzten operazio berean atxilotu zituzten, baina azkenean ez zituzten auzipetu.


Atzoko saioa

Atzoko saioan, lehen sei auzipetuek ukatu egin zuten Bateraguneko kide zirela. Euren esanetan, Bateragune Ekineko barne egitura bat zen, baina haiek autonomoak ziren eta ez zeuden inoren menpe.

Hain zuzen ere, eztabaida eta hausnarketa talde bat zirela esan zuten [Otegiren taldea deitzen ziguten, Arkaitz Rodriguezek azaldu zuenez], eta haien helburua ETArekin lotura haustea zen.

Otegik adierazi zuen berak gidatu zuen estrategia berria ETA aurka egonda abiatu zutela, eta proiektu horrek indarkeria behin betiko desagertzea behar zuela gaineratu zuen.

Buruzagi abertzaleak ETAtik guztiz bereizi direla erakusten saiatu zen, eta zeregin horretan hainbat adierazpen zorrotz egin zituen, honakoak, kasu: ETAk uste du indar batuketa borroka armatuari eutsiz lor daitekeela, baina guk ez; Indarkeriaren erabilpenak ez ditu arazoak konpontzen, are gehiago, zaildu egiten ditu; Tregoa partzialen estrategiek ez dute balio, indarkeriara itzultzeak proiektua erreko lukeelako eta suizidioa izango litzatekeelako.

Rafa Diez LABeko idazkari nagusiak zehaztu zutenez, indarkeria errefusatzeko hausnarketa ETAk Barajasen atentatua egin eta gero abiatu zuten, Otegi eta bera hunkituta geratu baitziren.

Otegik, Diezek eta Rodriguezek ez ezik, Sonia Jacintok, Amaia Esnalek eta Txelui Morenok ere deklaratu zuten atzo.



Informazio gehiago:Eitb: Hasi da Bateragune auziko epaiketaren bigarren saioa

56 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin