Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Hamar urte bete ditu Break on Stage jaialdiak


2011-04-06 13:33

Hego Korea, Alemania, Italia edo Erresuma Batuko taldeak arituko dira larunbatean, apirilak 9, Bilboko La Casillan egingo den dantza urbanoan oinarritutako ekitaldian.

Break on stage jaialdiak, break dance eszenikoan oinarritzen den ekitaldia, hamar urte beteko ditu aurten. Apirilaren 9an Bilboko La Casilla aretoan egingo duten ekitaldian Hego Korea, Alemania, Italia edo Erresuma Batua bezalako herrialdeetako taldeak arituko dira eta Bilboko Crazy hospital edo Nafarroako Breathless bezalako proiektuekin lehiatuko dira.

Hamargarren urtemuga ospatzeko, jaialdiak kalitatearen apustua egin du eta Seuleko Jinjo Crew eta Erresuma batuko Foreign Beggars taldeak izango dira apustu nagusiak. Dj Renegade arduratuko da gaua girotzeaz.

Break on stage kolektiboa Logela Multimediaren proiektua da eta jaialdia ospatu baino egun batzuk lehenago gure galderak erantzun ditu.

Zuena bezalako ekimenetara gaztetxoak hurbiltzen dira askotan, nahiz eta adin guztietara zuzenduak egon. Zer motatako jendea hurbiltzen da zuen jaialdira?

Publiko zabalarentzat zuzenduta dago, 12 urtetik gorakoentzat. Egia da gaztetxoak hurbiltzen direla, agian gehiago identifikatzen direlako jaialdiarekin. Baina arte eszenikoak maite dituen edozeinentzat eta Hip Hop kultura gustoko duenarentzatet da egokia.Mota askotako jendea dago. Madril edo Bartzelonan egiten dituzten kale kultur jaialdietan publiko konkretuagoa dago. Gurea zabalagoa da eta horrela izaten saiatzen gara.

10 urte hauetan jaialdiak izan duen eboluzioa paraleloan joan da Euskal Herriko Hip Hop eszenak izan duenarekin.Nola ikusten duzue hori?

Eszenaren irakurketa ez dut egin nahi ez dagoelako zehazki nola dagoen jakiterik. Break on stage jaialdiaz gain A.K.A Dantz jaialdia antolatzen dugu urte hasieran Arriola Antzokiarekin batera, kale dantzen erakustaldi eszenikoa da. Euskal Herriko eta inguruko taldeek izena ematen dute bertan. Duela bi urte EH-ko bost taldek izena eman zuten, iaz hamar taldek. Aurten, berriz, hogei taldek! Gure esperientziaren arabera kale dantzak (breakdance, street dance, funky-jazz?) gorantz doaz.

Zuen jaialdiaren bereizgarrietako bat erabiltzen duzuen irudia da.

Etorriko diren artistak harrigarriak direlako harritzeko gaitasuna ez dugulako alboratzen.Izozkia da gure jaialdia, freskoa eta goxoa.

Jinjo



Informazio gehiago:Eitb: Hamar urte bete ditu Break on Stage jaialdiak

266 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin