Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Haize denboralearen ostean, elurra eta euria izango dugu protagonista


2011-12-17 07:54

Elur maila 800 metrotan kokatuko da larunbat eta igandean. Haizeagatik ezarrita zegoen alerta bertan behera dago, baina euriteak direla eta abisu horia mantendu dute, eta laranja olatuengatik.

Herrizaingo Sailak haizeagatik ezarrita zegoen alerta gorria bertan behera utzi du, baina indarrean dago metro koadroko 60 litro baino gehiagoko euriteengatik jarritako abisu horia eta 800 metrotan izango da elur-maila. Halaber, bihar, larunbata, alerta laranja dago bost metrorainoko olatuengatik.

Euskalmet Euskal Meteorologia Agentziaren arabera, larunbatean eguraldia oso ezatsegina izango da. Alde batetik iparraldean zaparradak sarritan botako ditu, noizbehinka ekaitzarekin batera ere bai. Hegoaldean euria txikiagoa izango da eta noizbehinka baino ez du egingo.

Gainera, tenperaturak behera egingo du nabarmen eta maximoak 10-11 °C ingurutik ez dira igoko; barnealdekoak 5-6 °C-ren bueltan egongo dira. Elur-kota 800 metrora kokatuko da, baina Pirinioetako leku batzuetan elur-malutak 600 metrora ikusteko aukera izan dezakegu.

Igandeko eguraldia ezegonkorra eta ezatsegina izango da oraindik. Ipar-mendebaldeko haizeak ahultzera egingo du, behintzat, baina Nafarroako hegoaldean, Ebro ibarretik gertu, ziertzoak gogor jo dezake oraindik.

Tenperatura hotza izango da eta maximoek ez dute 10 °C-ko muga gaindituko; elur-kota 800 metrotan mantenduko da egun osoan. Prezipitazioa, dena den, ez da hegoalderaino ailegatuko, iparraldean geratuko da; hor zaparradak ugariak izango dira eta egunaren lehenengo partean ekaitzak ere jo dezake.

Haizea



Informazio gehiago:Eitb: Haize denboralearen ostean, elurra eta euria izango dugu protagonista

81 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin