Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gutxienez 25 hildako eta 69 zauritu atentatu bikoitz bitan, Bagdaden


2012-01-05 10:28

Erasoak eskualde xiien aurka izan dira. Poliziak lehergailu bi gehiago aurkitu eta desaktibatu ditu.

Gutxienez 25 pertsona hil dira eta 69 zauritu, Bagdad Irakeko hiriburuan eskualde xiien aurka ostegun honetan bonbaz izandako atentatu bikoitz bitan, poliziaren eta ospitaleetako iturrien arabera.

Alde batetik hamar lagun hil dira eta 37 zauritu, Bagdadeko ipar- ekialdean dagoen Sadr Hirian lehergailu bik eztanda egin ondoren. Horietako bat aparkatutako motozikleta batean kokatuta zegoen, eta bestea errepide parean jarritako bonba bat.

Bestalde, gutxienez 15 pertsona hil dira eta 32 zauritu Kadhimiya Bagdadeko ipar-mendebaldeko barrutian, poliziak adierazi duenez. Hango biztanle gehienak ere xiiak dira. Gainera, segurtasun indarrek lehergailu bi gehiago topatu eta desaktibatu dituzte hiriburuan.

Indarkeria erlijiosoaren gorakada

Atentatu oldea indarkeria erlijiosoaren gorakadarekin batera dator, Nuri al Malikik Tareq al Hashemi sunien presidenteordea atxilotzea eta Sale al Mutlaq lehen ministro ordea kargutik kentzea agindu ondoren, abenduaren 18an .

Lau egun beranduago, eta AEBetako tropak Irak utzi eta handik gutxira, gutxienez 72 lagun hil ziren Bagdaden eta inguruetan xiien aurka izandako hainbat atentatutan.



Informazio gehiago:Eitb: Gutxienez 25 hildako eta 69 zauritu atentatu bikoitz bitan, Bagdaden

33 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin