Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gripearen kontrako txerto kopurua handitu egin da Euskadin


2011-10-17 16:24

Aurtengo kanpainaren lehenengo hiru asteetan 220.825 pertsonek jaso dute txertoa, aurreko urtean baino %4,4 gehiagok.

Horrela eman du aditzera Eusko Jaurlaritzako Osasun eta Kontsumoko kontseilari den Rafael Bengoak, gripearen kontrako txertatzearen kanpainaren inguruan eginiko balantzean.

Bengoak Donostiako Amara Berriko Osasun zentroan jaso du bere txertoa gaur eguerdian, Lierni Linazasoro anbulategi horretako zuzendaria alboan zuela. Horrelako beste hainbat ekitaldi sinboliko egin dituzte Bilbon indautxuko anbulategian eta Gazteizko Txagorritxuko ospitalean.

Urriak 10arte emandako 220.825 txertoetatik, 182.382, 65 urtetik gorako pertsonentzat izan dira, 49.826 diabetikoentzako eta 18.031 bronkitis kronikoa duten gaixoentzako.

Aurreko urteko kanpainari dagokionez, aurten %4,4 hazi da lehenengo hiru asteetan eginiko txerto kopurua, 2010ean 211.148 pertsonek jaso baitzuten txertoa. Datuak onak izan arren, oraindik ez dira 2009an izandakoak bezain onak, urte horretan baino %29.8 txerto gutxiago banatu baitira, urte horretan, lehenengo astean 286.621 banatu zirelako.

Bengoak erizainek horrelako txertaketak jasotzearen garrantzia nabarmendu du, transmisio eramaile bezala jokatu ez dezaten, horregaitik ardurarekin jokatzeko eskatu die arlo horretako profesionalei

Aurtengo kanpaina honetarako, Osakidetzak gripearen kontrako 420.000 txerto prestatu ditu. Aurreko urtean 356.922 banatu zituen, eta 2009an 405.062.

Bakuna



Informazio gehiago:Eitb: Gripearen kontrako txerto kopurua handitu egin da Euskadin

126 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin