Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Griñanek Andaluziako hauteskundeak deitu ditu


2012-01-30 12:28

Andaluziako Parlamentua bihar desegingo da eta hauteskundeak martxoaren 25ean egingo dira. Inkesta guztiek PPri ematen diote garaipena.

Jose Antonio Griñan Andaluziako presidenteak erkidegoko hauteskundeen deialdia sinatu du San Telmo Jauregian, Sevillan. Datorren martxoaren 25ean egingo dira eta Parlamentua jada bihar desegingo da.

Dekretuaren 3. artikuluan probintzia bakoitzak izango dituen diputatu kopurua zehazten da: Almeriak 12, Cadizek 15, Cordobak 12, Granadak 13, Huelvak 11, Jaenek 11, Malagak 17 eta Sevillak 18 izango ditu.

4. artikuluak ordea, hauteskunde-kanpaina arautzen du eta martxoaren 9ko 00.00etatik martxoaren 24ko 00.00tara egingo da.

Hauteskundeen ostean, Parlamentua apirilaren 19an eratuko da.

Andaluziako 9. hauteskundeak izango dira, eta 1994az geroztik, bakarka egingo diren lehenak, izan ere, orain arte, hauteskunde orokorrekin batera egiten ziren. Gainera, erkidegoa PSOEren esku dagoela 30 urte beteko dira.

Griñan aurkezten den lehen aldia izango da, izan ere 2009an Manuel Chavez sozialistak, Espainiako gobernuko partaide izateko, bere karguari uko egin zion. Javier Arenas PPko hautagaia izango du aurrez aurre eta IULV-CA alderdiko hautagaia Diego Valderas izango da.

Orain amaitzen den legegintzaldian, PSOEk gehiengo absolutua izan du, 56 diputaturekin, PPk 47 eta IUk 6 izan ditu.

Inkesta guztiek PPri ematen diote garaipena, eta historian lehen aldiz Andaluziako agintea izango luke.

Jose



Informazio gehiago:Eitb: Griñanek Andaluziako hauteskundeak deitu ditu

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin