Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Greba orokorra egiten ari dira Grezian troikaren eskakizunen kontra


2012-02-07 09:13

Troikak soldatak, pentsioak eta gastu soziala murriztea exijitzen dio Greziako Gobernuari herrialdearen porrota saihesteko diru-laguntza jaso ahal izateko.

Grezian urteko lehenengo greba orokorra egingo dute gaur troikak, herrialdearen porrota saihesteko diru-laguntza jasotzeko, exijitzen duen soldaten, pentsioen eta gastu sozialaren murrizketen kontra.

GSEE sektore pribatuko langileen sindikatu nagusiarentzat xantaia dira troikaren eskakizunak eta Grezia pobreziara zigortzen dute.

Herstura neurri horiek baliabiderik gabe utziko dituzte zerbitzu publikoak, osasuna eta hezkuntza bereziki, eta atzeraldiaren bidea indartuko dute, ADEDY funtzionarioen elkarte garrantzitsuenaren arabera.

Bi sindikatuen artean Greziako langileen erdia baino gehiago ordezkatzen dute.

Baina merkataritza ganberek eta denda ertain eta txikiak ordezkatzen dituzten elkarteek ere bat egin dute grebarekin, troikaren eta Lukas Papadimosen Gobernuaren neurriek greziarren oinarrizko bizi baldintzak murriztuko dituztelako eta kontsumoa gutxituz negozioetan eragin kaltegarria jasango dutelako.

Itsasontziak portuan geratuko dira marinelen eta ingeniarien sindikatu nagusiek ere bat egin baitute protesta deialdiarekin.

Trenak ere geldirik egongo dira, baina garraio publikoak normaltasunez egingo du lan 09:00etatik aurrera Atenasen, herritarrek manifestazioetara joateko aukera izan dezaten.

Hegaldiei dagokienez, aldiz, ez da eragozpenik izango, pilotuen eta kontroladoreen sindikatuek ez baitute grebarekin bat egin.

Ospitaleetan larrialdi zerbitzuak egongo dira soilik martxan, irakasleak ez dira eskolara joango, eta auzitegiak eta bankuak ez dituzte irekiko.

Greziako Gobernua osatzen duten alderdiek (sozialdemokratak, kontserbadoreak eta eskuin muturrekoak) troikaren eskakizunei erantzun beharko diete gaur; bestela, ez dute Europar Batasunak eta Nazioarteko Diru Funtsak hitz emandako 130.000 milioi euroko laguntza jasoko.

Grezian



Informazio gehiago:Eitb: Greba orokorra egiten ari dira Grezian troikaren eskakizunen kontra

74 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin