Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Greba erabatekoa da Euskotrenen, Metroan eta EITBn, ELAren arabera


2012-02-09 10:21

EAEko 100.000 funtzionario greba egitera deitu dituzte gaur sindikatu abertzaleek, sektore publikoan egindako murrizketen aurka.

ELA sindikatuak azaldu du gaurko EAEko sektore publikoan deituta dauden lanuzteen jarraipena erabatekoa izaten ari dela EuskoTrenen, EuskoTranen, Bilboko Metroan eta EITBn, eta gutxieneko zerbitzuak baino ez direla funtzionatzen ari.

Lau orduko lanuztea ELA, LAB eta EILAS sindikatuek deitu dute eta, besteak beste, Bilduk eta Aralarrek bat egin dute.

Lanuzteak ordu ezberdinetarako deitu dituzte, eta garraioa eta EITB lehenak izan dira.

EAEko 100.000 funtzionario daude deituta gaurko ELA, LAB eta STEE-EILAS sindikatuek deitu duten lau orduko lanuztera. Sektore publikoan iragarri dituzten murrizketen aurkako eta kalitatezko zerbitzu publikoen aldeko deialdia da. Bilduk, Aralarrek eta ESK zentralak bat egin dute.

Zehazki, udaletako, foru aldundietako eta erakunde autonomikoetako langileak, Estatuko Administrazio Orokorretako langileak eta Correoseko langileak daude deituta.

Joan den urtarrilean Eusko Jaurlaritzak funtzionarioen soldatetan iragarritako murrizketen aurkako protestak izango dira. EAEko Administrazioko 67.000 funtzionariori eragingo dien lan-baldintzen murrizketa onartu zituzten, eta, neurri horrekin, Jaurlaritzak 95 milioi euro aurreztu nahi ditu 2012an.

Hori horrela, Jaurlaritzak bertan behera utziko ditu 2012an borondatezko erretiroagatik ematen ziren sariak, errelebo kontratuei buruzko konpromisoak, jardunaldia murriztuta soldata murrizketarik ez izateko aukera eta 65 urte betetzen dituzten funtzionarioei lanaldia luzatzeko aukera.

Euskadiko hiru hiriburuetan manifestazioak deitu dituzte 12:00etarako: Bilbon, Arriaga Plazan; Donostian, Boulevardean; eta Gasteizen, berriz, Andre Maria Zuriaren plazan.

Gutxieneko zerbitzuak, gehiegizkok

Erietxeetan, jaiegunetan izan ohi dituzten neurriko zerbitzu minimoak ezarri dituzte, eta garraioetan, % 30eko zerbitzu minimoa ezarri da.  Sindikatuek gehiegizkotzat jo dituzte, eta helegitea aurkeztu dute.

Metroko lanuzteak ere

Funtzionarien lanuzteak Metro Bilbaok ostegun honetarako ere deitu duen lanuztearekin bat egiten du.


ELA,



Informazio gehiago:Eitb: Greba erabatekoa da Euskotrenen, Metroan eta EITBn, ELAren arabera

134 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin