Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gorritibereak zuzendutako Arriya zintak bost sari lortu ditu Malagan


2011-04-02 16:24

Antzeztaldeko emakumezkoen aktore, jantzi-diseinu, argazkilaritza, soinu banda eta estreineko lan onenaren golardoak eskuratu ditu Malagan euskaraz grabatutako filme honek.Guztira bost sari eman dizkio Malagako Zinemaldiaren epaimahaiak Alberto Gorritibereak zuzendutako Arriya lanari. Euskaraz filmatutako pelikula honek antzeztaldeko emakumezkoen aktore onenaren (Begoña Maestreri), jantzi-diseinu onenaren (Saioa Larari), argazkilaritza onenaren (Gaizka Bourgevadi), soinu banda onenaren (Bingen Mendizabali) eta estreineko lan onenaren golardoak eskuratu ditu euskaraz grabatutako filme honek. Azken aipamen hau Andaluziako Zinema munduko Idazleen Elkarteak eman ohi du.

Gizabanakoak tradizioaren aurrean duen gatazka du hizpide Arriya filmeak. Mugako herri txiki batean, hiru familia gatazka batean daude murgilduta apostu baten ondorioz eta hiru maitalek ezin dute inertziaren aurka egin. Tradizio eta kultura guztiek alderdi positiboak eta negatiboak dute. Euskal Herrira begiratzea, positiboa eta negatiboa izan daiteke. Gauza on asko eman dizkit eta besteak eramaten jakin behar dudan harriak dira, gurekin bizi diren harriak ezin ditugulako utzi inoiz, azaldu du Alberto Gorritiberea zuzendariak.

Gainontzeko irabazleei dagokionez, Cinco metros cuadrados filmeak lortu ditu sari nagusienak: film luze onenaren Urrezko Biznaga eta kritikaren, aktore onenaren (Fernando Tejerori), antzeztaldeko gizonezkoen aktore onenaren (Jorge Boschi) eta gidoi onenaren sariak (Pablo eta Daniel Remoni).

Iban



Informazio gehiago:Eitb: Gorritibereak zuzendutako Arriya zintak bost sari lortu ditu Malagan

65 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin