Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gorenaren erabakiak zatitu egin ditu alderdiak


2011-03-24 08:57

EAJk, EBk, EAk, Aralarrek eta Alternatibak ebazpen politikoa izan dela salatu dute. PSOEk, PPk eta UPyDk, berriz, Auzitegiaren erabakia errespetatzeko deia egin dute.

Auzitegi Gorenak Sorturi alderdi politikoen erregistroan sartzea debekatu izanak zatitu egin ditu euskal alderdiak. PP, PSE eta UPyD gustura agertu dira erabakiarekin eta EAJk, EAk, EBk, Aralarrek eta Alternatibak, berriz, politikoki kutsatutako ebazpena dela salatu dute.

EAJk adierazi duenez, ebazpenarekin euskal gizartearen arazo politikoari irtenbidea emateko pauso bat emateko aukera galdu da eta kutsadura politikoak eragina izan du fiskalengan, poliziengan eta epaileengan.

Jose Antonio Pastor PSE-EEren bozeramaileak Auzitegi Gorenaren erabakia errespetatu egiten dutela esan du eta gauza bera egiteko deia egin die gainerako alderdi politiko guztiei.

Iñaki Oyarzabal EAEko PPren idazkari nagusiak bat egin du Pastorren iritziarekin eta denek ebazpena errespetatzen jakingo dutela espero du.

Jon Abril Aralarren koordinatzailearen ondokoak gogor gaitzetsi du 61. Aretoaren erabakia, beste behin ere botere judizialak independentziarik ez duela eta bultzada politikoen arabera jokatzen duela erakutsi duelakoan.

Pello Urizar EAren idazkari nagusiak ebazpena albiste txarra izan dela salatu du, eta presio politikoaren ondorio dela.

Gorka Maneiro UPyDren legebiltzarkideak, berriz, ospatu egin du erabakia eta logikoena horixe zela azpimarratu du.

Alternatibak, bere aldetik, Sorturen erregistroa galaraztea zentzugabekeria politiko-juridikoa izan dela eta PPren eta PSOEren borondateari jarraitzen diola salatu du.

Mikerl Arana EBren idazkari nagusiak hitz eman du erabakia onartzen duela, baina ez duela konpartitzen, erabaki politikoa izan delako.



Informazio gehiago:Eitb: Gorenaren erabakiak zatitu egin ditu alderdiak

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin