Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gorenak ostiralean jakinaraziko die aldeei Sorturen inguruko autoa


2011-03-30 14:11

Ordu eta erdiko bilera egin dute gaur Auzitegi Gorenaren 16 epaileek. 217 orriko autoa sinatu egin dute, eta boto partikularra aurkezteko epea ostiralean ezarri dute.

Auzitegi Gorenaren 61. artikuluko areto berezia ordu eta erdiz batzartu egin da gaur Sortu legeztatzea errefusatzen duen autoa idazteko. Ostiralean jakinaraziko die aldeei autoaren edukia.

Sortu legeztatzearen alde agertu ziren epaileek boto partikularra aurkezteko epea ostiralean ezarri dute, eguerdiko 12:00etan. Ordu bat beranduago autoaren nondik norakoak jakinaraziko dituzte.

Bozketan, aretoa osatzen duten 16 epaileetako zazpi agertu ziren alderdi abertzaleari hauteskundeetan parte hartzen uztearen alde, baina hiruk baino ez zuten iragarri boto partikularra idazteko asmoa (Manuel Alarcon, Rafael Gimeno-Bayon eta Jose Luis Calvo Cabello).

Duela astebete, Auzitegi Gorenak aintzat hartu zituen Estatuko Abokatutzaren eta Fiskaltzaren eskaerak, eta galarazi egin zuen Sortu legeztatzea, Batasunaren jarraipena dela argudiatuta.

Alberto Jorge Barreiro ez da bileran egon, baina autoa sinatu egin du. Iturri judizialen arabera, 16 epaileek autoa sinatu egin dute, baita Carlos Divar Auzitegi Goreneko presidenteak ere.




Informazio gehiago:Eitb: Gorenak ostiralean jakinaraziko die aldeei Sorturen inguruko autoa

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin