Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gorenak debekua jarri dio Sorturi: Eta orain zer?


2011-03-24 10:47

Sortuk Auzitegi Konstituzionalean errekurtsoa aurkezteko aukera du, baina erabakia asko atzeratu daiteke. Apirilaren 18a baino lehen epairik jasotzen ez bada ez da hauteskundeetan izango.

Auzitegi Gorenak Sorturi datozen maiatzeko udal eta foru hauteskundeetan aurkeztea galarazi ostean, ezker abertzalearen alderdi berriak, behin epaia jaso eta gero, 30 eguneko epea izango du Auzitegi Konstituzionalean helegitea ipintzeko.

Baina magistratuek ez dute erabakia hartzeko eperik eta hortaz, erabakia denboran asko atzeratu daiteke.

Apirilaren 18a da hautagaitzak izandatzeko eguna, eta epaia egun hori baino lehen ezagutzen ez bada Sortu ezingo da hauteskundeetara aurkeztu.

Guzti hau kontuan izanda, beraz, ia ezinezkoa dirudi ETAren indarkeria baztertzen duen ezker abertzalearen alderdi berriak datorren maiatzeko hauteskundeetan parte hartu ahal izango duenik.

Ikusteke dago orain ezker abertzaleak hauteskundeetan izateko beste bideren bat jarraituko duen ala ez, Eusko Alkartasunako zerrendetan joanda adibidez.

Nafarroan, esaterako, EA aurrerakoiak, ezkertiarrak eta abertzaleak diren indarrak batzeko hauteskunde proposamena prestatzen ari da, beste aldi batzuetan hauteskunde eskaintzarik izan ez dutenak ere kontuan hartzen dituen proposamena.

Beste aukera bat, hauteskunde batzuetan egin izan den moduan, talde lokalak aurkeztea izan daiteke.

Baina Espainiako Gobernuak zerrendak inpugnatu ditzake eta prozesua  berriro errepikatu.



Informazio gehiago:Eitb: Gorenak debekua jarri dio Sorturi: Eta orain zer?

54 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin