Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gontzal Mendibilen azkeneko diskoa aste honetako EITB Kultura saioan


2011-07-29 12:03

Horrez gain, Iñaki Elizalde Baztan bere azkeneko filmeari buruz arituko da.

Neure Txiki polita Gontzal Mendibilen disko berriaren eta  bertan biltzen duen abesti baten izena da. EITB Kulturak hamar abesti tradizionalek eta sormen pertsonaleko bik osatzen duten lan berri honen xehetasun guztiak jakingo ditu aste honetan. Arratiako musikariak Gorbeiako mendia, bertako jendea eta ohiturak omendu ditu bere azkeneko disko honekin.

Gasteizeko Montehermoso Kultur aretoak, bestalde, adierazpen garaikide berrien inguruan ikertzen dihardu, Arte e Investigación erakusketaren bigarren ekinaldian. Zortzi proposamen ezberdinek osatzen dute aurtengo erakusketa. ETIB Kulturak Oier Etxeberria, June Crespo eta Erick Beltran artisten proiektuak erakutsiko ditu.

EITB Kultura saioa gainera Baztan filmaren ekoizpen prozesuan sartuko da. Filmearen grabaketa amaituta dago eta EITB Kulturak Iñaki Elizalde zuzendariarekin hitz egingo du agoteen historiaren inguruan. Fikzioa eta errealitatea eskutik helduta doaz filmean eta Unax Ugaldek, Carmelo Gomezek eta Txema Blasco aktoreak dira protagonista.

Asteroko Off the record atalak bere aldetik, Joseba Irazoki hartuko du protagonista eta gitarjolearen alderdi pertsonalenak ezagutuko ditu, baita bere improbisazio eta experimentatzeko modua zein bere musika sentitzeko modua ere.

EITB Kutlurak gainera, antzerkira salto egiteko denbora izango du. Gasteizko Panta Rhei taldeak  Monsters Show aurkeztuko du, umeenganako tratu txarrak oso ikuspuntu berezietatik landutako obra. Gazteenei zuzendutako antzezlan hau Araiako Umorezko Antzerki Jaialdian aurkeztuko da abuztuaren 12tik  15era bitartean.

Horrez gain, Vide(o)storias ekimena ezagutuko du saioak. Espainian emandako bideoartearen azkeneko 40 urteetako historiaren errepasoa. Besteak beste, Eugeni Bonet, Itziar Okaritz eta Guillem Bayoren mailako artisten lana dago ikusgai Artium-ean.

Eta amaitzeko, EITB Kulturan  pertsona bat ezagutzeko beharrezkoak diren 40 galderak zeintzuk diren jakingo dugu 6 million others erakusketaren bidez. Goodplanet fundazioak munduko bost kontinenteetan barrena murgildu da XXI mendeko gizartearen islada bihurtu den ekimenarekin  eta orain, Donostiako San Telmo museoan dago ikusgai.

EITB Kultura astelehen honetan emitituko da 23:25etik aurrera ETB-1en, asteartean 01:00etan ETB-2n eta ostiralean 22:30etan ETB-3n.

src=http://www.eitb.com/multimedia/images/2011/06/21/497634/497634_ARRATSA_GONTZAL_detalle_1.jpg/



Informazio gehiago:Eitb: Gontzal Mendibilen azkeneko diskoa aste honetako EITB Kultura saioan

151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin