Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gobernuak eta Jaurlaritzak Memoriaren Zentroa kudeatuko dute


2011-07-21 16:23

Camacho eta Aresek euren lehenengo bilera instituzionala izan dute gaur Barne Ministerioan, Madrilen.

Antonio Camacho barne ministroak eta Rodolfo Ares Eusko Jaurlaritzako Herrizaingo sailburuak hitzartutakoaren arabera, Euskadin dagoen Terrorismoaren Biktimen Memoriaren Zentroaren etorkizuneko proiektua bultzatuko dute. Bi administrazioek kudeatuko dute hori.

Camacho eta Aresek euren lehenengo bilera instituzionala izan dute gaur Barne Ministerioan, Madrilen. Terrorismoaren aurkako borrokaren, krimen antolatuaren eta narkotrafikoaren egoera, eta emakumearen aurkako indarkeriari aurre egiteko neurriak errepasatu dituzte.

Terrorismoaren Biktimen Memoriarako Zentro Nazionalaren proiektuari buruzko ideiak eman dituzte biek, bileran; Diputatuen Kongresuak duela gutxi onetsitako biktimen aitorpenaren eta babesaren Lege Integralean begiratuta.

Aresek adierazi duenez, bi gobernuek lankidetza protokolo bat sinatuko dute memoriaren etorkizuneko kokalekua, zentroaren plangintza eta kudeaketa aztertzeko. Terrorismoaren biktimak ohoratu eta gogoratzeko balio izan behar du, eta istoria berriz idazteko batzuen ahaleginei aurre egiteko.

Euskadin pasatu dena gogoratzeko era onena da hau, berriro ez gertatzeko, nabarmendu du.

Horren harira, biktimak terrorismoaren aurkako bizkarrezurra eta oinarrizko erreferente etikoa direla azpimarratu du Camachok.

Horrez gain, argi utzi du ETAren ahulezia gora behera, Estatuko Segurtasun Indarrek presioa eta guardia altu mantenduko dutela, haren iritziz, taldea oraindik ez delako desagertu.

ETAri borroka irabazten ari gara, adierazi du Camachok, eta bakea finkatu behar dela uste du, orain inoiz baino gehiago, indarkeriazko hamarkada hauen ostean.

Sendotasun demokratikoagatik eta Segurtasun Indarren eraginkortasunagatik iritsi garela puntu honetara uste du Aresek, azken horiei zoriondu egin die egindako lanagatik.



Informazio gehiago:Eitb: Gobernuak eta Jaurlaritzak Memoriaren Zentroa kudeatuko dute

58 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin