Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gizonezko batek 11 urteko semea jipoitu du, 20 minutu berandutzeagatik


2012-01-19 13:28

Umeari hainbat kolpe jaso zituen eta lurrera erori zenean zenbait ostikada eman zizkion. Bikotekide ohiaren etxera joan zen semearen bila, eta 20 minutu berandutu zenez, aita haserretu egin zen.

Kantabriako Lurralde Auzitegiak zortzi hilabeteko kartzela-zigorra ezarri dio gizonezko bati semeari tratu txarrak ematea leporatuta. 20 minutu berandu iritsi zelako, gizonezkoak 11 urteko semea jipoitu zuen. Gertakariak 2010eko uztailean jazo ziren.

Gurasoak bananduta daude eta asteburu hartan aitarekin egon behar zen adingabea. Bikotekide ohiaren etxera haren bila joan zen, baina semea 15-20 minutu beranduago agertu zen. Aita haserretu egin zen, errieta egin zion eta jarrera bortitza erakutsi zuen: hainbat kolpe eman zizkion eta umea lurrera erori zenean ostikadaka hasi zen.

Gauzak horrela, mutikoak sorbaldan, besoetan, ipurmasailean eta ezkerreko hankan zauriak izan zituen eta 15 egun behar izan zituen erabat sendatzeko.

Aitaren defentsak helegitea aurkeztu zuen umeari bi ipurdiko eman zizkiola esanez, baina ostikadarik eman ez ziola nabarmenduta. Alabaina, adingabeak zituen zauriak aintzat hartuta, aitak gehiegikeriaz jokatu zuela frogatuta geratu zela ebatzi zuen Auzitegiak.

Bortizkeria heldu zion ezkerreko besotik eta ipurmasailean bi kolpe gogor eman zizkion, eta hori nahikoa da ezarritako zigorra berresteko, dio epaiak.

Gainera, hankan zeukan zauria ikusita, lurrean zegoela ostikadak ere eman zizkiola frogatutzat eman du epai-mahaiak.





Informazio gehiago:Eitb: Gizonezko batek 11 urteko semea jipoitu du, 20 minutu berandutzeagatik

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin