Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gizon batek alaba jipoitu du sakelako telefonoa ez itzaltzeagatik


2012-02-20 11:46

Auzipetuak muturrekoak eta ostikadak eman zizkion emakumeari, eta iletik tira egin eta lurrera bota zuen.

Gizon bati zazpi hilabeteko kartzela-zigorra jarri diote 20 urteko alaba jipoitzeagatik. Sakelako telefonoa ez zuelako itzaltzen jipoitu omen zuen gizonak alaba.

Ebazpenean agertzen denez, 2010eko urriaren 8an gertatu zen erasoa Zumarragako (Gipuzkoa) etxebizitza batean.

Aipatu iturriaren arabera, auzipetua eta alaba sesioan hasi ziren 22:45 aldera eta aitak sakelako telefonoa itzaltzen ez bazuen burua lehertuko ziola mehatxu egin zion.

Hori horrela, gizonak muturrekoak eta ostikadak eman zizkion emakumeari, eta iletik tira egin eta lurrera bota zuen. Bultzakadaren ondorioz, 20 urteko emakumeak kolpea jaso zuen buruan.

Auzipetuak akusazioa ukatu bazuen ere, frogek eta alabaren testigantzak agerian utzi zuten aitak alabari eraso egin ziola.

Zazpi hilabeteko kartzela-zigorraz gain, auzipetuak 500 euroko kalte-ordaina eman beharko dio alabari eta ezingo du harekin harremanetan jarri 19 hilabetez.



Informazio gehiago:Eitb: Gizon batek alaba jipoitu du sakelako telefonoa ez itzaltzeagatik

42 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin