Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gizarte laguntzak lortzea zailagoa izango da


2011-09-12 14:41

Diru sarrerak bermatzeko errenta eta gizarte laguntzak lortzeko baldintzak zorrozteko akordio batera iritsi dira sozialista eta popularrak.

Eusko Legebiltzarrak argi berdea eman beharko dio legearen erreformari baina, PSEk eta PPk aurre-akordioa lortu dute hainbat puntutan, besteak beste laguntzak jasotzeari trabak jarriko dizkion eskakizun batean: erroldatzean.

Orain arte Euskadiko udalen batean urte bete izena emanda egotea nahikoa zen laguntza eskatzeko, baina, lege aldaketarekin, hiru urte beharko dira. Erroldatzearena betetzen ez dutenek hala ere beste aukera bat izango dute: gizarte segurantzan gutxienez bost urte kotizatu izana.

Zailtasun ekonomikoa dutenek eskatzen duten laguntza da, diru sarrerak bermatzeko errentarena; soldatarik ez dutenek, edota soldata txikia dutenek eskatzen dutena.

Gaur egun diru-laguntza horren beharra 55.000 familiak dute erkidegoan. Heren bat jubilatuak dira eta beste heren bat diru-sarrera txikia dutenak.

Zabaleta harro azaldu da popularrekin adostutako testuarekin. Aldaketa hauek ez direla aurrezteko esan du, laguntza hauek emateko ereduaren eraginkortasuna indartzeko baizik.

Ez da murrizketarik egongo, laguntzaren kopurua eta mugagabetasuna mantentzen baitira, adierazi du Zabaletak. Sistemaz aprobetxatu nahi dutenentzako soilik indartuko dira neurriak.

Lana

Bestalde, lan eskaintza bati uko egiten diotenek galdu egingo dute laguntza.Orain arte, lan eskaintza bati hiru aldiz uko egiten zionari, diru-laguntza horiek eskatzeko eskubidea kendu egiten zitzaion. Baina uko bakarra nahikoa izatea nahi dute.

Diru sarrerak bermatzeko errenta hau jasotzen dutenek gainera, ez ohikoak izan daitezkeen komunitateari laguntzeko lanak egiteko prest egon beharko dute.

Azkenik, errenta hau Lanbidek kudeatuko du 2012ko urtarriletik aurrrea.


src=http://www.eitb.com/multimedia/images/2011/09/12/536853/536853_zabaleta_ayudas_detalle_1.jpg/



Informazio gehiago:Eitb: Gizarte laguntzak lortzea zailagoa izango da

35 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin