Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Giroa epeldu egingo da eta euria nonahi egingo du datozen egunetan


2012-02-15 09:13

Tenperatura maximoak 10°C inguruan kokatuko dira eta elur-kota 800-1.000 metroraino igoko da. Biharko ere euria espero da, baina ostiralean atertze aldera joko du.

Siberiatik iritsitako hotzak elurte handiak eta izotza ekarri ditu Euskal Herrira, baina dagoeneko joan da hotz bolada eta Euskalmetek iragarri du datozen egunetan gora egingo duela tenperaturak eta euria egingo duela nonahi.

Giro tristea eta umela izango da gaur. Zeruan hodeiak jaun eta jabe agertuko dira eta noizean behin euri arina utziko dute, bereziki ipar partean eta eguerditik aurrera. Nafarroa hegoaldera hodeiak saretuta iritsiko dira eta giro lehorra gailenduko da. Goizean goiz elur-maila 600 m-ren bueltan kokatuko da, baina orduek aurrera egin ahala 800-1000 m-ra igoko da. Haizeak ipar/ipar-mendebaldetik jotzen jarraituko du eta egunean zehar ahulduz joango da. Giro hotzarekin jarraituko dugu eta beroenak 5-10 °C artean geldituko dira.

Ildo beretik jarraituko dugu ostegunean. Hodeiak gailenduko dira ipar partean eta noizean behin euri-langarra edo euri arina utziko dute. 800-1000 m-tik gora elur-prezipitazioak izango dira. Zenbat eta hegoalderago mugitu, orduan eta saretuago agertuko da hodeitza eta Nafarroa hegoaldean eta Araba hegoaldean ostarte politak irekiko dira. Tenperaturak koska pare bat irabaziko du. Izotza barnealdeko zoko batzuetan soilik botako du eta beroenak 6 eta 11 °C artean geldituko dira. Haizeak iparraldetik jotzen jarraituko du eta Ebro ibarrean oraindik tarteka zakar ibiliko da.

Zeru-gainean hodeiak nagusituz jarraituko dute ostiralean, bereziki ipar partean. Hodei hauek oraindik punturen batean tanta batzuk edo zirimiria utzi dezakete; hala ere, arratsaldeak aurrera egin ahala hodeitza arinduz joango da. Nafarroan Iruñerritik behera eta Araba hegoaldean, urdingune ederrak irekiko dira eguerdirako. Tenperaturan, gora-behera handirik ez. Haizeak ipar-ekialdetik ahul joko du eta Ebro ibarrean ahulduz joango da.

Ostiraletik aurrera, larunbatean ere tenperaturak gora egiten jarraituko duela espero da eta lainoak eta ostarteak tartekatuko dira. Hala eta guztiz ere, igandean berriro jaitsiko da tenperatura eta euria izango da protagonista.

Kontsulta ezazu eguraldiaren iragarpena eitb.com-en eta bidali argazkiak.

Giroa



Informazio gehiago:Eitb: Giroa epeldu egingo da eta euria nonahi egingo du datozen egunetan

52 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin