Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Giro goibela eta euri txikia asteburu honetan Euskadin


2012-02-25 08:04

Zeruak triste mantenduko dira eta litekeena da zer edo zer bustitzea. Hala ere, tenperatura maximoak 12-14°-ren bueltan ibiliko dira. Astelehenean eguraldiak hobera egingo du.

Azken egunotako eguzkiak utzi gaitu eta asteburu honetan zehar giro goibela, zeru grisak eta euri txikia izango ditugu gurean hizpide, Euskalmet Euskal Meteorologia Agentziaren arabera. Hala ere, tenperatura maximoak 12-14°-ren bueltan ibiliko dira eta ez dira izotzaldiak espero.

Horrela, larunbat honetan hodeiak ugaritzen joango dira. Iparraldeko haizeak hezetasuna ekarriko digu itsasaldetik, eta errazagoa izango da hodeiak sortzea. Egunaren bigarren partean lainotuago egongo da, batez ere kantaurialdean, eta litekeena da euri langar pixka bat egitea. Tenperatura maximoak jaitsi egingo dira pixka bat, eta 12 eta 14° artekoak izango dira.

Igandean goibel esnatuko da eguraldia. Egunaren lehen partean zerua estalita egongo da eta euria egingo du, batez ere ipar isurialdean. Arratsaldean, ordea, atertzera egingo du; hodeitza saretu eta eguzki izpi batzuk iritsiko zaizkigu, bereziki hegoaldean. Tenperatura maximoak beste koska txiki bat egingo dute behera. Egunsentian eta gauez ez du izotzik egingo.

Astelehenean hobera egingo du eguraldiak. Goizaldean eta goizean goiz hodei hondar batzuk geratuko dira zeruan, baina goizak aurrera egin ahala hodeiak desagertu eta giro eguzkitsua nagusituko da. Gainera, tenperaturak gora egingo du. Ipar-ekialdeko haizea nagusituko da.

Zeru



Informazio gehiago:Eitb: Giro goibela eta euri txikia asteburu honetan Euskadin

90 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin