Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gipuzkoako Batzar Nagusiek ahaldun nagusia aukeratuko dute gaur


2011-06-23 07:25

Azken orduko ezustekorik ezean, Martin Garitano (Bildu) izendatuko dute, koalizio abertzaleko eta Aralarreko batzarkideen babesarekin. EAJk, PSEk eta PPk euren hautagaien alde egingo dute.

Gipuzkoako Batzar Nagusiek lurralde horretako ahaldun nagusia hautatuko dute gaur goizean. Ezustekorik ezean, Martin Garitano Bilduko hautagaia izendatuko dute.

Gipuzkoako Batzar Nagusiak hilaren 13an osatu zituzten, eta saio horretan Lohitzune Txarola (Bildu) aukeratu zuten presidente.

Maiatzaren 22ko foru hauteskundeetan, koalizio abertzaleak 22 batzarkide lortu zituen, EAJk 13, PSE-EEk 10, PPk 4 eta Aralarrek 1.

Ekainaren 11n Udalak osatu ziren Euskal Autonomia Erkidegoan eta, orduan ere, EAJk, PSEk eta PPk ez zuten itun zabalik lortu.

Ondorioz, Gipuzkoako hainbat herritan Bilduk alkatetza lortu zuen, tartean Donostian. Ordutik, ez da harremanik egon EAJren eta PSEren artean.

Ondorioz, alderdi bakoitzak bere hautagaia aurkeztu eta defendatuko du, Aralar izan ezik, Bilduren hautagaiaren alde bozkatuko baitu.

EAJk Markel Olanoren hautagaitza defendatuko du; PSEk Rafaela Romerorena eta PPk Juan Carlos Canorena.

Ezustekorik gertatzen ez bada, eta alderdi bakoitzak bere hautagaiari babesa ematen badio, Bilduk Gipuzkoako Foru Aldundia lortuko du. Orain arte EAJk gobernatu du Gipuzkoan, baina azken hauteskundeetan boto ugari galdu dite eta lau alkatetza besterik ez ditu lortu (Hondarribia, Elgoibar, Aia eta Urnieta).

Gainera, jeltzaleek ez zituzten sozialisten hautagaiak babestu Donostiako, Errenteriako edo Andoaingo Udaletan eta, ondorioz, EAJk ere ez du gaur PSEren babesa eskuratuko.



Informazio gehiago:Eitb: Gipuzkoako Batzar Nagusiek ahaldun nagusia aukeratuko dute gaur

280 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin