Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gipuzkoako autobideetan kamioien bidesaria arautzeko legea onartu dute


2011-03-25 20:33

Gipuzkoako Batzar Nagusiek arau bat onartu dute, 3,5 tonako baino gehiagoko kamioiek Europa barneko errepide sareetatik igarotzean zein bidesari ordaindu behar duten zehazteko.

Gipuzkoako Batzar Nagusiek Europa Barneko Errepideen Sarea erabiltzen dituzten kamioiei ordainsariak ezartzeko legea onartu dute gaur Foru Gobernuko alderdien (EAJ eta H1) eta oposizioko talde nagusiaren (PSE-EE) aldeko botoekin.

Legegintzaldiko azken osoko bilkuran onartu dute, Gipuzkoako parlamentuan, kanon hori ezartzeko irizpideak finkatzen dituen arau forala.

Merkantzien garraiorako ibilgailu astunei, 3,5 tonakoei baino gehiagokoei, Europa Barneko Errepide Sarean ordainsaria ezartzeko oinarri eta irizpideak biltzen ditu idatziak.

Foru erakundeak Etxegarateko tarteari eman nahi dio lehentasuna, datorren urtean, ordainsaria ezartzeko orduan, pilaketa asko izaten diren toki horretan ibilgailuen joan-etorria bideratzen lagunduko duelakoan. Eneko Goia Bide Azpiegituretako diputatuak kazetariei azaldu dienez, ez dute baztertu erabakia A-15 eta N-121-A autobideetara zabaltzea.



Informazio gehiago:Eitb: Gipuzkoako autobideetan kamioien bidesaria arautzeko legea onartu dute

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin