Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

GIB kasuek gora egingo dute datozen urteetan, Espainian


2011-04-19 14:21

GIBri eta HIESari buruz informazioa jasotzeko telefono zerbitzuaren (900-111-000) datuak eman ditu gaur Tomas Hernandezek. Urtean 25.000 dei jasotzen dituzte.

Giza Inmunoeskasiaren Birusaren (GIB) kasuek gora egingo dute datozen urteetan Espainian, gaur Tomas Hernández HIESaren Espainiako Planaren idazkariak jakinarazi duenez. Batez ere, gizonen artean sexu harremanak dituztenei egindako diagnostikoek ekarriko dute iragarritako igoera.

GIBri eta HIESari buruz informazioa jasotzeko telefono zerbitzuaren (900-111-000) datuak eman ditu gaur Hernandezek Madrilen egindako agerraldian. Urtean 25.000 dei jasotzen dituzte, eta azken bost urteetan 115.822 pertsonek erabili dute.

GIB kasuak egonkor mantendu dira, bai heterosexualen eta baita homosexualen artean. Hala ere, gizonezkoen artean sexu harremanak izaten dituztenen diagnostikoek gora egin dute.

Horregatik, antolatutako ekintzak ondo zehaztu beharko ditugu aurrerantzean, esan du Hernandezek. 22 urtetik beherakoei ere zuzendu nahi dizkiete informazio kanpainiak (HIESaren inguruan galdetzeko zerbitzuaren erabiltzaileen %10 dira)

Gaixotasun honen inguruan 80. eta 90. hamarkadetako gazteek baino informazio gutxiago dutela ohartarazi du.

Zerbitzuaren erabiltzaileen %81 gizonezkoak dira. 26 eta 30 arteko gazteek kontsulten %25 egiten dituzte. Ia dei gehienak Espainiatik egiten dituzte (Madrildik deien %25 jasotzen dira). Bartzelona eta Valentzia bigarren eta hirugarren postuan daude.

Espainiar hiritarrek egiten dituzte dei gehienak (% 96), baina 102 herrialde ezberdinetan jaiotakoen kontsultak ere jaso dira azken bost urteetan.

src=http://www.eitb.com/multimedia/images/2010/11/25/384365/384365_farmaziak_detalle_1.jpg/



Informazio gehiago:Eitb: GIB kasuek gora egingo dute datozen urteetan, Espainian

62 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin