Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Getxo Jazz jaialdiak Lee Ritenour gitarra-jotzailea hartuko du


2011-07-02 10:23

Aki Takase piano-jotzaileak eman dio hasiera Getxoko jazzaldiaren 35. edizioari. Uztailaren 5era arte, Branford Marsalis, Chucho Valdes eta Dave Holland musikariak hartuko ditu jaialdiak.

Abian da ostiral honetatik Getxoko Nazioarteko Jazzaldiaren 35. edizioa. Lehenengo egunean Aki Takase (Biotz Alai plaza, 22:00etan) piano-jotzailea eta bere taldea, New Blues Project, izan dira protagonista nagusiak. Horrezaz gain Ornetillos laukotea jardun da Talde Lehiaketan (Biotz Alai plaza, 21:00etan) eta Quartetto Mínimo Hirugarren Milurtekoa sailean (Algortako Geltokia plaza, 19:00etan).

Gainera, Marmara Marching Band taldeak Metroan jo du, Getxoko Jazaaldiari omenaldia egiteko. Jazzaren trenak Alde Zaharreko Unemuno geltokitik abiatuko da, eta Getxon bukatu du ibilbidea, Algortan eskaini duten zuzenekoarekin.

Uztailaren 5era arte, Branford Marsalis, Chucho Valdes & The Afro-Cuban Messengers, Lee Ritenour eta Dave Holland musikari eta talde handiak izango dira jaialdi honen 35. edizioan. Guztira 20 zuzeneko egongo dira aurten Getxoko jazzaldian, Talde Lehiaketako eta Hirugarren Milurtekoa programako kontzertuak eta jam session emanaldiak gehituta.

Egitaraua

Larunbatean Lee Ritenour izango da Getxon, jazz-fusion estiloan gaur egun dagoen gitarra-jotzaile ospetsuenetako bat. Jazzaldiaren erdialdean, uztailaren 3an, Dave Hollanden boskotearen txanda izango da. Musika latinoa izango da erabateko protagonista uztailaren 4an. Chucho Valdes handia The Afro Cuban Messengers taldearekin izango da da geurean. Azkenik, uztailaren 5ean, Branford Marsalis musikariak amaiera ezin hobea emango dio aurtengo jazzaldiari.

Chucho



Informazio gehiago:Eitb: Getxo Jazz jaialdiak Lee Ritenour gitarra-jotzailea hartuko du

123 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin