Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Getariako Balenciaga Museoa astearte honetan inauguratuko da


2011-06-05 16:59

Gipuzkoako museo honek Cristobal Balenciagaren obra zabaltzea, sustatzea eta ezagutaraztea izango ditu helburu. Ostiralean, ekainaren 10ean, zabaldu ditu ateak eta horti aurrera, bisitagai izango da.

Cristobal Balenciaga jostunari dedikaturiko Balenciaga Museoa inauguratuko du datorren asteartean, hilaren 7an, Espainiako erreginak. Gainera, modarekin eta kulturarekin lotutako erakunde desberdinen ordezkariak bertan izango dira. Ondoren, hilaren 10etik aurrera publikora egongo da zabalik.

Ordutik, Europako errege-erreginentzat eta aristokraziarentzat egindako piezen bildumak izango ditugu ikusgai tartean, Belgikako Fabiola erreginaren ezkontzako soinekoa, Grace Kellyren jantzi batzuk eta nazioarteko kulturako eta politikako ordezkarientzat zein aberats handientzat egindakoak.

Munduan jostun bati eskainita eta ezaugarri horiekin egindako lehen museoa da. Balenciaga Fundazioak babestuta, jostunaren obra zabaltzea, sustatzea eta ezagutaraztea izango ditu helburu. Balenciaga oso pertsonaia garrantzitsua izan zen sorkuntza artistikoari aldetik, oro har, eta modaren eta goi-joskintzaren ikuspuntutik, zehazki.


Museoak bi eraikin ditu

Getariako Aldamar parkean kokatuta dago eta bi eraikin ditu: bata, Aldamar jauregi historikoa da, XIX. mendeko eraikin monumentala, Casa Torres markesek udako bizileku izan zutena. Lehenengo esparru honek aldi baterako erakusketak eta dokumentazio-zentroa hartuko ditu. Bestea eraikin berria da eta aurrekoari mendebaldeko fatxadatik atxikita dago.

Proiektuak 30 milioi euroko aurrekontua izan du (obren lehen eta bigarren faseetako gastuetarako eta orain arte abian jarritako ekimenentzako). Ekarpenak honela daude banatuta: % 30 Kultura Ministerioak jarri du, % 35 Eusko Jaurlaritzak eta beste % 35 Gipuzkoako Foru Aldundiak.

Balenciaga



Informazio gehiago:Eitb: Getariako Balenciaga Museoa astearte honetan inauguratuko da

55 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin