Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Genero Indarkeriaren aurkako lehen Plana onartu du Jaurlaritzak


2011-06-07 14:27

Biktimentzako arreta, zerbitzuen ezberdinen arteko koordinazio eta herritarren sentsibilizazioa izango dira plan honetako ardatz nagusiak.

Eusko Jaurlaritzak Genero Indarkeriaren kontrako lehen Plana onartu du gaur. Dokumentuan, datozen bi urteetan egingo diren jarduera eta ekintzak jasotzen dira. Biktimentzako arreta, zerbitzuen ezberdinen arteko koordinazio eta herritarren sentsibilizazioa izango dira plan honetako ardatz nagusiak.

Idoia Mendia Jaurlaritzako bozeramaileak aurkeztu du aipatu plana. Zerbitzu eta errekurtso ezberdinek biktimei arreta osoa eskaintzea da lehen ardatzaren helburu nagusia.

Erantzun integralak modu bizi eta koordinatuan eskaintzea exijitzen du horrek, biktimek erantzun partzialak jasotzea ekiditeko, gaineratu du.

Modu honetan, Jaurlaritzak leihatila bakarra irekiko du, eta biktimaren espediente bakarra kudeatzeko erreminta informatikoaren martxan jarri eta ezarriko du. Biktimek erasoa gainditzeko eta biolentziarik gabeko bizitza bizi ahal izateko laguntza ekonomikoekin erlazionatutako konpromisoa ere iragarri du Gobernuak.

Horrez gain, biktima kolektibo batzuen (emakume etorkinak, osasun mentaleko edo droga arazoak dituztenak) kasuen analisia egingo du Jaurlaritzak Kalitate-kudeaketa sistemak indartu egingo dituztela ere iragarri du Mendiak.

Bigarren ardatzean (koordinazio eta kooperazio instituzionala) , genero indarkeriaren kontrako borrokan parte hartzen duten erakunde eta instituzio guztien artean kolaborazio eta kooperazio egokia lortzea da Jaurlaritzaren helburua.

Genero indarkeriaren kontrako borrokan lan egiten duten pertsona profesional guztien kooperazio eta koordinazioa bultzatu nahi da, eraginkortasun maximoa garatzeko.

Ardatz honetan aurreikusitako ekintzen artean, etxeko tratu txar eta sexu erasoen biktimak diren emakumeen atentzioa hobetzeko II. Erakunde Arteko Akordioa eta horren Jarraipen Batzordea nagusitzen dira. Horiekin batera, sexu esplotaziorako gizakien salerosketaren biktimentzako koordinazio eta atentzio protokoloa eta Emakumeen Kontrako Biolentzia Matxistaren Euskal Behatokiaren sorrera daude.

Azkenik, gizartean ulermen handiago bat lortzea izango da hirugarren ardatzaren eginkizuna.

Emakumeen kontrako biolentzia laguntzen duten giza jarrera diskriminatzaileak aurreikustea eta ekiditea da neurrien helburua.



Informazio gehiago:Eitb: Genero Indarkeriaren aurkako lehen Plana onartu du Jaurlaritzak

89 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin