Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gaur, hotz handiagoa eta izotz arriskua


2012-02-03 08:18

Bilbo baino ez da esnatuko gaur tenperatura positiboekin (3 °C), gainerako hiriburuek zeroz azpitik jarraitzen dute.

Ostegun honetako elurteen ostean, hotz siberiarrak okertzen jarraituko du gaur. Oraindik ere, bi egun gordin izango ditugu.

EAEn eta Nafarroan alerta laranja dago oraindik, hotza eta izozteak direla eta, baina gaurko ez dira espero atzo beste elurte. Elurra baino, izotza izango da kezkagarriena.

Hotza, hori bai, oso handia izango da, eta tenperaturak gradu batzuk jaitsiko dira. Hiriburuen artean, Bilbon baino ez daude tenperatura positiboak (3 °C), gainerakoak zeroz azpitik daude: -2 °C Donostian, -3 °C Gasteizen eta Baionan eta -6 °C Iruñean. Nafarroako hiriburuan, hotz-sentsazioa -9 °C-koa da.

Atzo hiriburu elurtuena izan eta gero, Gasteizen errepide guztiak garbi daude gaur goizean. Espaloietan, baina, izotz asko dago.

EAEko eta Nafarroako errepide sare nagusia zabalik dago, baina kontu handia izan beharra dago gidatzerakoan, errepide asko izotz bete egongo baitira. Batik bat N-240, N-1, A-15 eta A-10 errepideetan eskatzen dute arretaz gidatzea. Araban, Herrerako, Urduñako eta Opakuako mendateak itxita daude.

Asteburuari begira, eskola-kirol lehiaketa guztiak bertan behera utzi dituzte EAEn, eta ehiza jarduerak ere Bizkaian eta Gipuzkoan.

Halaber, atzo egin bezala, Mondragon Unibertsitateak gaur ere utzi ditu bertan behera klasean Arrasaten, Oñatin eta Eskoriatzan. Horrenbestez, 2.000 ikasle geratuko dira eskola barik.

150 pertsona hil dira Ekialdeko Europan

150 pertsona hil dira Ekialdeko Europan, batez ere Ukrainan, hotz denboralearen ondorioz, hainbat herritako agintariek ostegun honetan emandako informazioen arabera. Ukrainan 20 pertsona gehiago hil dira, eta 63raino heldu da heriotza kopurua. Polonian, 29 pertsona hil dira; bederatzi, azken orduetan. Polonian termometroek 30 gradu jaso dituzte zero azpitik.

Hala ere, tenperaturarik hotzenak Errusian eta Kazakhstanen jaso dituzte, BBC Erresuma Batuko telebista katearen arabera. Uraletan eta Siberian tenperatura 40 gradu zero azpira heldu da, eta Kazakhstango hiriburuan, Astanan, haizeak 52 gradu zero azpiko sentsazio termikoa eragin du, baina termometroek 35 gradu zero azpitik baino ez dute jaso.

Kontxako



Informazio gehiago:Eitb: Gaur, hotz handiagoa eta izotz arriskua

439 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin