Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Gasteiztarrak lapurtzeko egindako inkesta faltsuez ohartarazi dute


2012-01-24 17:17

Lehendabizi, iruzurgileek telefonoz egin ohi dituzte inkestak, eta behin biktimen konfidantza lortuta, hurrengo elkarrizketa beraien etxean egiten dute.

Gasteizko Udaltzainek Udalaren izenean egiten ari diren telefono bidezko inkesta faltsuekin kontuz izateko abisua luzatu diete hiriko biztanleei. Uste denez, Gasteiz Europar Hiri Berdea izendatu izanaren inguruko galderak egiten dituzten galdetzaileek, biktimarekin lortutako konfidantzaz baliatu eta etxebizitza barruko objektuak lapurtzen ari dira.

Udal iturrien arabera, iruzurgileek telefonoz egin ohi dituzte inkestak lehendabizi. Ustezko galdetegi horietan, hiriko garraio publikoaren zein beste zerbitzu batzuen inguruko galderak egiten dizkiete biktimei, eta behin konfidantza lortuta, hurrengo elkarrizketa beraien etxean egiten saiatzen dira.

Hitzordu horretara bi pertsona joaten dira, eta batek udal inkesta horretarako galderak egiten dituen bitartean, bestea etxetik ibili ohi da, hainbat bizilaguni errezeloak eraginez.

Modus operandi berdina

Nahiz eta oraingoz lapurreta salaketarik ez izan, udaltzainen iritziz, inkestatzaile faltsu horien helburua biktimen etxebizitzetan lapurtzea izan daiteke. Horren harira, orain arte bisitatutako etxebizitza guztietan modus operandi berdina erabili dutela ziurtatu ahal izan dute.

Hori dela eta, Udaletxetik horrelako inkestarik egiten ari ez direla ohartarazi du Udaltzaingoak. Horrez gain, horrelako inkestetan oinarritzen diren hitzorduen helburua etxebizitzetan ebasketak egitea izan daitekela aipatu dute.

Maroto



Informazio gehiago:Eitb: Gasteiztarrak lapurtzeko egindako inkesta faltsuez ohartarazi dute

92 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin