Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

Garzon epailea, akusatuen aulkian lehen aldiz


2012-01-17 07:42

Gurtel auziko inputatuei legez kanpoko entzuketak egitea egotzita epaituko dute gaurtik.

Baltasar Garzon epailea akusatuen aulkian eseriko da gaur lehen aldiz Auzitegi Gorenean, espetxean dauden Gurtel auziko inputatuei legez kanpoko entzuketak egitea egotzita.

Hilaren 24an berriz ere epaituko dute, diktadura garaiko krimenak ikertzeko eskuduntzak bereganatzeagatik. 2010ko maiatzean, behin-behinean kargugabetu zuten Auzitegi Nazionalean.

Gaur abiatuko den epaiketak ikusmen handia piztu du, eta horren ildotik, 15 herrialdetako 100 hedabide inguru izango dira Gorenean. Izan ere, nazioartean oihartzun handiena duen epaile espainiarra da.

Epaiketa 10:30ean hasiko da. Ordu erdi lehenago, Garzonen jarraitzaileek (tartean Memoria Historikoaren aldeko elkarteak, artistak eta intelektualak) elkarretaratzea egingo dute epaitegiaren aurrean, epailea jazarpen baten biktima dela salatzeko.

Gurtel auziko entzuketen kasua 2009an abiatu zuten, Jose Luis Ulibarri inputatuaren abokatuak kereila aurkeztu eta gero. Haren defentsak 10 urtez gaitasungabetzea eskatu du. Beste bi inputatuk (Francisco Correa Gurtel sareko ustezko burua eta Pablo Creso haren bigarrena`), aldiz, 17 eta 15 urtekoa.

Fiskaltzak ez du akusaziorik aurkeztu eta Garzon absolbitzea eskatu du.

Ahozko epaiketa abiatzea agintzeko Alberto Jorge Barreiro Auzitegi Goreneko epaileak apirilaren 11n kaleratu zuen autoaren arabera, Garzonek presoen eta haien abokatuen arteko solasaldi konfidentzialak bidegabe entzutea erabaki zuen, eta ez zitzaion axola solasaldi horien helburua defentsa estrategiak ezartzea baino ez izatea.

Bere aldetik, Garzonek azaldu zuen entzuketa horiek egitea bide bakarra zela Gurtel auziko buruek frogak ezkutatzea galarazteko, baina epaile instruktoreak ez zituen onartu argudioak. Gainera, errefusatu egin zituen Garzonek proposatutako froga gehienak.

Epaiketak hiru egun iraungo du, eta saioak goizez egingo dituzte. Garzonek gaur edo bihar deklaratuko du.

Epaiketa



Informazio gehiago:Eitb: Garzon epailea, akusatuen aulkian lehen aldiz

51 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin